დავიბადე 1977 წლის 6 სექტემბერს, ყაზახეთში. მამა იქ 6 წლის განმავლობაში მუშაობდა და ჩვენც იქ ყოფნამ მოგვიწია. შემდეგ, მთელი ოჯახი დავბრუნდით მშობლიურ კასპში. 1994 წელს დავამთავრე კასპის #2 საშუალო სკოლა. სკოლის წლებშივე ვოცნებობდი ჟურნალისტობაზე. მეათე კლასში გახლდით, როცა კასპში გაიხსნა ტელევიზია "დანახვისი". კონკურსის შედეგად აგვარჩიეს რამდენიმე მოსწავლე. ჩვენ მიგვყავდა საყმაწვილო გადაცემა. ამის პარალელურად ხშირად ვაქვეყნებდი წერილებს რაიონულ გაზეთში "განთიადი". ასე ჩაეყარა საფუძველი ჩემს სამომავლო პროფესიას. ჩავაბარე ჯავახიშვილის სახელობის უნივერსიტეტში ჟურნალისტიკის ფაკულტეტზე, რომელიც დავამთავრე 2002 წელს.
როცა გაზეთ "კვირის პალიტრაში" გამოქვეყნდა განცხადება ჟურნალისტების მიღებასთან დაკავშირებით, დიდი სურვილი გამიჩნდა, რომ კონკურსში მიმეღო მონაწილეობა. გამიმართლა და დღეს მე ერე-ერთი დიდი საგამომცემლო სახლის `კვირის პალიტრის~ თანაშრომელი ვარ. ვაქვეყნებ წერილებს ჟურნალ "გზაში", გაზეთ "კვირის პალიტრაში" და მის ეკონომიკურ ჩანართში. მყავს მეუღლე და ორი შვილი. ძალიან მიყვარს ის საქმე, რომელსაც ვემსახურები და აქედან გამომდინარე, თამამად შემიძლია განვაცხადო _ მე ბედნიერი ვარ.