საქართველოს რკინიგზა ენიო მორიკონეს კონცერტისთვის თბილისი-"ბლექ სი არენას" მიმართულებით დამატებით რეისს ნიშნავს
07-05-2018
საქართველოს რკინიგზა ენიო მორიკონეს კონცერტისთვის თბილისი-"ბლექ სი არენას" მიმართულებით დამატებით რეისს ნიშნავს
მგზავრების თხოვნის გათვალისწინებით, საქართველოს რკინიგზა ენიო მორიკონეს კონცერტის დღეს, თბილისი-"ბლექ სი არენას" მიმართულებით დამატებით რეისს ნიშნავს, - ამის შესახებ ინფორმაციას საქართველოს რკინიგზა ავრცელებს.

"19 მაისს, Black Sea Arena-ზე, იტალიელი მუსიკოსის კონცერტზე დასწრების მსურველებს თბილისი-ბათუმის მიმართულებით მოძრავი "შტადლერის" (Stadler Kiss) ორსართულიანი მატარებელი (#888-887) მოემსახურება.

დამატებითი რეისის მიხედვით მატარებელი თბილისიდან 14:10 საათზე გავა და Black Sea Arena-სთან მდებარე ბაქანზე 18:30 საათზე ჩავა. კონცერტის დასრულების შემდეგ კი მატარებელი, იმავე ბაქნიდან თბილისის მიმართულებით 00:05
საათზე გამოვა და დედაქალაქში 04:25 საათზე ჩამოვა.
მგზავრებს ბილეთების შეძენა ცენტრალური ვაგზლის სალაროებში, რკინიგზის ოფიციალურ ვებგვერდსა და აპლიკაციის - Georgian Railway Tickets საშუალებით შეეძლებათ", - აღნიშნულია საქართველოს რკინიგზის მიერ გავრცელებულ ინფორმაციაში.

(R)
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით