თბილისში, რუსთაველის გამზირზე „აქსის თაუერსის“ მაკეტი საპატიო სტუმრებმა დაათვალიერეს
26-05-2018
თბილისში, რუსთაველის გამზირზე „აქსის თაუერსის“ მაკეტი საპატიო სტუმრებმა დაათვალიერეს
თბილისში, რუსთაველის გამზირზე "აქსის თაუერსის" მაკეტი საპატიო სტუმრებმა დაათვალიერეს

დამოუკიდებლობის გამოცხადებიდან 100 წლის იუბილეს საზეიმო ღონისძიებების ფარგლებში, თბილისში, რუსთაველის გამზირზე, სიმბოლური სტენდია განთავსებული, რომელიც ქალაქის განვითარების 100 წელს გამოხატავს, სტენდზე გამორჩეულია "აქსის თაუერსის" მაკეტი, რომელსაც დღესასწაულის მონაწილეები სტუმრობენ და ათვალიერებენ, - ამის შესახებ "კვირის პალიტრას" კომპანია "აქსის თაუერსიდან" აცნობეს.
კომპანიის ინფორმაციით, "აქსის თაუერსი" თბილისის მომავლის სახეა და ნათლად აჩვენებს, თუ როგორი იქნება, სწორი დეველოპმენტის განხორციელების შემთხვევაში, ქალაქის განვითარების ახალი ეტაპი.

"აქსის
თაუერსის" სტენდთან თავმოყრილ დამთვალიერებლებს ევროპის სამეზობლო პოლიტიკისა და გაფართოების შესახებ მოლაპარაკებების საკითხებში ევროკომისარი იოჰანეს ჰანი შეუერთდა. მისი განცხადებით, მსგავსი ტიპის კომპლექსები დედაქალაქს თანამედროვე იერს ანიჭებს, რაც თბილისის ისტორიულ სიძველეებთან ერთად ქალაქის ახალი სავიზიტო ბარათი შეიძლება გახდეს.

"აქსის თაუერსის" სტენდი ასევე დაათვალიერა დედაქალაქის მერმა კახი კალაძემ.
მისი თქმით, დედაქალაქისთვის ძალიან მნიშვნელოვანია ყველა საჭირო პარამეტრის დაცვით განხორციელებული, რაც შეიძლება მეტი მასშტაბური და თანამედროვე კომპლექსი შეემატოს.

ცნობილი კალათბურთელი, საქართველოს ნაკრების წევრი ვიქტორ სანიკიძე, რომელიც უკვე არის "აქსის თაუერსის" ბინადარი, სტენდთან შეკრებილ დამთვალიერებლებს გაესაუბრა იმ უპირატესობების თაობაზე, რომელთა გამოც მან სწორედ "აქსის თაუერსში" გადაწყვიტა ბინის შეძენა. "აქსის თაუერსის" სტენდის დათვალიერებას რუსთაველის გამზირზე 26 მაისის სადღესასწაულო ღონისძიებების მონაწილეები გვიან საღამომდე შეძლებენ.
სტუმრებს "აქსისის" დირექტორი თეიმურაზ ჭოხონელიძე და კომპანიის არქიტექტორი ნიკოლოზ კილასონია მასპინძლობენ, რომლებიც მათ პროექტში გამოყენებული ტექნოლოგიური ინოვაციებისა და არქიტექტურული მნიშვნელობის შესახებ აწვდიან ინფორმაციას.

"აქსის თაუერსი" მრავალფუნქციური კომპლექსია, რომელიც ხელს უწყობს თანამედროვე ქალაქის სწორ ინფრასტრუქტურულ განვითარებას. ეს არის მთლიანად ქართული პროექტი, განხორციელებული ქართველი სპეციალისტების მიერ, გლობალურ პარტნიორებთან თანამშრომლობით. "აქსის თაუერსის" მშენებლობა დეველოპერული კომპანია "აქსისისა" და "საქართველოს თანაინვესტირების ფონდის" პარტნიორობით მიმდინარეობს, რომელიც 92 მლნ აშშ დოლარის ინვესტიციას ახორციელებს.
(R)
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით