"თეგეტა მოტორსი" მომხმარებლებს ჰიბრიდული ავტომობილების სრულ სერვისს სთავაზობს
27-06-2018
"თეგეტა მოტორსი" მომხმარებლებს ჰიბრიდული ავტომობილების სრულ სერვისს სთავაზობს
"თეგეტა მოტორსი" მომხმარებლებს ჰიბრიდული ავტომობილების სრულ სერვისს სთავაზობს. როგორც კომპანიიდან გვაცნობეს, კომპანიამ გადაწყვიტა ჰიბრიდული ავტომობილების სერვისისთვის ცალკე უბანი გამოეყო, ასევე გაზარდა სათადარიგო ნაწილების და სხვა საჭირო აქსესუარების ასორტიმენტი.

"თეგეტა" ჰიბრიდული ავტომობილების სერვისის ახალ მიმართულებას წარმოადგენს. ბაზარზე გაზრდილი მოთხოვნიდან გამომდინარე კომპანიამ გადაწყვიტა ჰიბრიდული ავტომობილების სერვისისთვის ცალკე უბანი გამოეყო, ასევე გაზარდა სათადარიგო ნაწილების და სხვა საჭირო აქსესუარების ასორტიმენტი. მიმდინარე თვეს შეგიძლიათ ისარგებლოთ სპეციალური აქციით, რომლის ფარგლებში ჰიბრიდული ავტომობილებისთვის განკუთვნილი პროდუქციის ან მომსახურების
შეძენისას მომხმარებელი ისარგებლებს ჰიბრიდული სისტემის ელექტრო დიაგნოსტირების უფასო სერვისით, აქცია მოქმედებს 30 ივნისის ჩათვლით.

"თეგეტას" ჰიბრიდული ავტომობილების მომსახურების უბანზე ნებისმიერი მარკის ჰიბრიდული ავტომობილის სრული სერვისია შესაძლებელი. კერძოდ, აღნიშნულ განყოფილებაში თქვენ შეგიძლიათ ისარგებლოთ შემდეგი სპეციალიზირებული სერვისებით: ცენტრალური სისტემის ელექტრო დიაგნოსტირება,
აკუმულატორის მოხსნა/დაყენება, აკუმულატორის გაგრილების ვენტილატორის გაწმენდა, აკუმულატორის კლემების გაწმენდა და ინვენტორის მოხსნა/დაყენება. "თეგეტას" ჰიბრიდული ავტომობილების მომსახურების უბანზე დაგხვდებათ უახლესი სპეციალიზირებული მანქანა/დანადგარები და მაღალკვალიფიციური კადრები“, - ნათქვამია კომპანიის ინფორმაციაში.

“თეგეტა“ მომხმარებელს წინასწარი ჩაწერის სერვისს სთავაზობს, რომლის საშუალებითაც შესაძლებელია მოქალაქემ დაჯავშნოს ვიზიტი სწრაფი სერვისის ან სერვისების მისაღებად.

„რეზერვაციის პროცედურა მარტივია, რამოდენიმე წუთში თქვენ შეძლებთ ჩაეწეროთ თქვენთვის მისაღებ დროს და სწრაფად მიიღოთ სასურველი მომსახურება. აღნიშნული სერვისით სარგებლობა შესაძლებელია როგორც ონლაინ www.reservation.tegetamotors.ge, ასევე “თეგეტას“ ცხელი ხაზის მეშვეობით (032) 226 44 44“, - ნათქვამია კომპანიის ინფორმაციაში.

ცნობისთვის, “თეგეტა მოტორსი“ 1995 წლიდან მოღვაწეობს ქართულ ბაზარზე, ჰოლდინგი აერთიანებს 7 შვილობილ კომპანიას და 23 წელია მუდმივად ინარჩუნებს ავტოინდუსტრიაში ლიდერის პოზიციას. კომპანია ემსახურება 250 000-მდე რეგისტრირებულ საცალო და 20 000–მდე კორპორატიულ მომხმარებელს. „თეგეტას“ ფილიალებში შეგიძლიათ შეიძინოთ მსოფლიოში წამყვანი 300-მდე ბრენდის უმაღლესი ხარისხის პროდუქცია, როგორებიც გახლავთ: Bridgestone, Michelin, Varta, Shell, Motul, Hengst, ZF Parts, Lemforder, Sachs, Philips, Bosch, Febi, Federal Mogul და სხვა. სასურველი პროდუქცია შეგიძლიათ შეარჩიოთ თეგეტას ონლაინ კატალოგში: shop.tegetamotors.ge.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით