Echowaves Festival-ზე ტრანსპორტირების განრიგი ცნობილია
13-08-2018
Echowaves Festival-ზე ტრანსპორტირების განრიგი ცნობილია
ფესტივალ Echowaves-ზე წასვლის მსურველებისთვის ორგანიზატორები მგზავრობის მარშრუტებს აქვეყნებენ. გთავაზობთ დეტალურ ინფორმაციას, თუ საიდან და როგორ მოვხვდებით ანაკლიაში:

თბილისი - ანაკლია:

დილის 9:00 საათზე ანაკლიის მიმართულებით გავა Georgian Bus-ის ავტობუსი. გასვლა “ვარდების მოედნიდან“ , ველოსიპედთან.

ერთი გზა: 30 ლარი

ორმხრივი ბილეთი: 50 ლარი


ბათუმი - ანაკლია:

დილის 9:00 საათზე ანაკლიის მიმართულებით გავა Georgian Bus-ის ავტობუსი.

გასვლა სასტუმრო “რედისონის” მიმდებარე ტერიტორიიდან.

ერთი გზა: 25 ლარი

ორმხრივი ბილეთი: 40 ლარი


დამატებითი ტრანსპორტი ზუგდიდი
- ანაკლია მიმართულებით:

"მარშრუტკა“ 24 საათის განმავლობაში.

23 აგვისტოს 12:00 საათიდან - 27 აგვისტომდე.

შეხვედრის ადგილი ზუგდიდში: “სვანეთის გარაჟი”. ჩასვლის ადგილი ანაკლიაში: სარეგისტრაციო პუნქტი.


ფესტივალ Echowaves-ის დაწყებამდე 10 დღე რჩება. მათთვის, ვისაც დაბინავებაზე ჯერ არ უზრუნია, შეუძლიათ ფესტივალის ტერიტორიაზევე დაბანაკდნენ. მთავარ სცენასთან რამდენიმე ასეულ მეტრში
კარვების ზონა მოეწყობა, სადაც სტუმრები 6 დღის განმავლობაში შეძლებენ დარჩენას. ტეროტორიაზე 600 კარავი დაიდგმება და 1200 ადამიანის გამასპინძლებას შეძლებს. კარავი ორ ადამიანზე იქნება გათვლილი და მისი ფასი 250 ლარია.

ფასი მოიცავს: ერთ ტენტს მაქსიმუმ 2 ადამიანისთვის (200x200x135სმ), ერთი გასაბერი მატრასი (152x200x22სმ), ბალიში, 2 საბანი, 2 საძილე ნიღაბი, 2 ყურის საცობი.



უფასო სერვისები კარვების ზონაში: დაცული ტერიტორია, საცავები (შეგიძლიათ შეინახოთ ზურგჩანთები), ტუალეტი, შხაპი, ტელეფონის დასატენი სადგური, საჩრდილობელი, კარვების ზონის ბარი.



ჩექინის დრო: 22 აგვისტო. 13:00. ჩექაუთი - 27. 18:00 აგვისტო.





შეგახსენებთ, რომ ელექტრონული მუსიკსი ფესტივალი Echowaves ანაკლიაში 23-26 აგვისტოს გაიმართება და ისეთ არტისტებს უმასპინძლებს, როგორებიც არიან: Die Antwoord, Tricky, Solomun, Ben Klock, Marcel Dettmann, Juan Atkins, Function, Kayakata, Woo York, Henrik Schwarz, Antigoe, DJ TENNIS, Greenbeam & Leon და სხვ. პროექტი პოპულარული სერბული ფესტივალის EXIT-ის ქოლგის ქვეშ ხორციელდება და მისი მხარდამჭერია Check in Georgia.

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
თქვენი აზრით, როგორ ჩატარდა 19 მაისის შუალედური არჩევნები?
თქვენი აზრი მნიშვნელოვანია!
თქვენი აზრით, როგორ ჩატარდა 19 მაისის შუალედური არჩევნები?