უცხოელი ჟურნალისტები აჭარის შესახებ მასალებს ამზადებენ
04-06-2019
უცხოელი ჟურნალისტები აჭარის შესახებ მასალებს ამზადებენ
აჭარაში სამიზნე ქვეყნებიდან წამყვანი მედიასაშუალებების წარმომადგენლების მოწვევა გრძელდება. ამჯერად, რეგიონს აჭარის ტურიზმის დეპარტამენტის ორგანიზებით ლატვიელი ჟურნალისტები სტუმრობენ, რომლებიც რეგიონის ტურისტული პროდუქტების შესახებ მასალებს ამზადებენ.

აჭარის ტურიზმისა და კურორტების დეპარტამენტის ცნობით, ჟურნალისტების ობიექტივში უკვე მოხვდა ბათუმის ძირითადი ტურისტული ღირსშესანიშნაობები, ბოტანიკური ბაღი, გონიოს ციხე-მუზეუმი და ქედის ტურისტული ადგილები თავისი საოჯახო მარნებითა და სამზარეულოთი. ჟურნალისტები რეგიონს 1 ივნისს ესტუმრნენ და ქვეყანას ისინი დღეს დატოვებენ.

დეპარტამენტის მიერ ორგანიზებული მედიატურების შედეგად აჭარის შესახებ სტატიები და
რეპორტაჟები ასევე მზადდება ისრაელის, ბელარუსის, პოლონეთისა და დიდი ბრიტანეთის რეიტინგულ მედიასაშუალებებში. წლის ბოლომდე, ჯამში 40-მდე მედია-ინფოტურის ორგანიზება იგეგმება, რომლის ფარგლებშიც ტურისტული სააგენტოებისა და მედიის წარმომადგენლები რეგიონს 16 სამიზნე ქვეყნიდან ეწვევიან. რაც შეეხება, ბალტიისპირეთის ქვეყნებს, სადაც რეგიონის პოპულარიზაცია 2017 წლიდან აქტიურად მიმდინარეობს წელს, პირველად ინიშნება ჩარტერული
ფრენები ბათუმის მიმართულებით ტალინიდან და ვილნიუსიდან.

(R)

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
თქვენი აზრით, „ხორავას ქუჩის“ საქმეში იკვეთება თუ არა სამოხელეო დანაშაული?
თქვენი აზრი მნიშვნელოვანია!
თქვენი აზრით, „ხორავას ქუჩის“ საქმეში იკვეთება თუ არა სამოხელეო დანაშაული?