როგორ ამოვიცნოთ გულის დაავადებები? - "ბრიმ თბილისში" ლევან ქარაზანიშვილის ლექცია გაიმართება
როგორ ამოვიცნოთ გულის დაავადებები? - "ბრიმ თბილისში" ლევან ქარაზანიშვილის ლექცია გაიმართება
12 ნოემბერს 19:00 საათზე, "ბრიმ თბილისში" (მ. აბდუშელიშვილის ქუჩა 12-14) ლევან ქარაზანიშვილის ლექცია და სერიის "ჰარვარდის სამედიცინო გზამკვლევი მთელი ოჯახისათვის" პირველი ტომის - "გულის პრობლემები" წარდგენა გაიმართება.

ღონისძებაზე კარდიოქირურგი, ევროპის კარდიოქირურგთა ასოციაციის წევრი - ლევან ქარაზანიშვილი გულისმიერ ჩივილებზე, პრევენციის გზებზე, გულის დაავადებების თავიდან არიდებასა და შუნტირებაზე ისაუბრებს.

ლექცია გაიმართება კითხვა-პასუხის რეჟიმში და მოსულ სტუმრებს, შესაძლებლობა ექნებათ, მიიღონ ამომწურავი პასუხი ჯანმრთელობის საკითხებთან დაკავშირებულ მათთვის საინტერესო კითხვებზე.

„იმისათვის, რომ კარდიოლოგიურ პრობლემებსა და
პრევენციის გზებზე წარმოდგენა შეგექმნათ სულაც არ არის აუცილებელი სამედიცინო განათლების ქონა. ჰარვარდის მედიცინის სკოლის მიერ შემუშავებული ეს პრაქტიკული სახელმძღვანელო მარტივი და გასაგები ენით აღწერს გულ-სისხლძარღვთა სისტემის ყველაზე გავრცელებულ პათოლოგიებს.

სახელმძღვანელოდან შეიტყობთ შუნტირების თანამედროვე მეთოდის - სრული არტერიული შუნტირების შესახებაც, რომელსაც ჩემი, ლევან ქარაზანიშვილის კარდიოქირურგიული გუნდი,
წლებია წარმატებით იყენებს საქართველოსა და ევროპის წამყვან კლინიკებში“ - ლევან ქარაზანიშვილი.

შეგახსენებთ, რომ სერია გააერთიანებს მარტივი ენით დაწერილ 8 ტომს, რომელიც ოჯახებს დაეხმარება, თავიანთი პრობლემების პირველადი კონსულტაცია, პირველადი განხილვა მოახდინონ.

ღონისძიებაზე "ჰარვარდის სამედიცინო გზამკვლევის" პირველი ტომი სპეციალურ ფასად იქნება ხელმისაწვდომი.

ღონისძიების ბმული: https://www.facebook.com/events/465207634351666/
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
რომელი საარჩევნო სისტემაა თქვენთვის მისაღები ყველაზე მეტად?
თქვენი აზრი მნიშვნელოვანია!
რომელი საარჩევნო სისტემაა თქვენთვის მისაღები ყველაზე მეტად?
თვის კითხვადი სტატიები