"ლიბერთი“ სოციალურ პროექტებს აგრძელებს
"ლიბერთი“ სოციალურ პროექტებს აგრძელებს
"ლიბერთის“ ინიციატივით "ნატალი აკადემიაში“ 60 წლის ასაკის ზემოთ მსურველებს ახალი პროფესიის შეძენისა და კვალიფიკაციის ამაღლების შესაძლებლობა ეძლევათ.

სრულიად უფასო კურსი 5 ნოემბერს დაიწყება და 9 კვირის განმავლობაში, პროექტის მონაწილეები პროფესიონალი სტილისტებისგან თანამედროვე ვარცხნილობების ტექნიკასა და ვიზაჟის ხელოვნებას შეისწავლიან. აღნიშნული პროექტი "ლიბერთის“ ხელშეწყობით ზაფხულში დაიწყო და 30-მა მონაწილემ "ნატალი აკადემიის“ სერტიფიკატი მიიღო.

"აღნიშნული პროექტისადმი დიდი ინტერესის გამო, გადავწყვიტეთ პროგრამის გაგრძელება და ლიბერთის მხარდაჭერით მეორე კურსის მონაწილეები სხვადასხვა სახის პროფესიული უნარ-ჩვევების გარდა
ვიზაჟის ხელოვნებასაც დაეუფლებიან და კურსის დამთავრებისთანავე შესაბამის სერტიფიკატებს მიიღებენ, რაც მათი დასაქმების პერსპექტივას ქმნის”, - განაცხადა შპს “საზოგადოებრივი კოლეჯი Natali Academy-ს” დამფუძნებელმა, ნატალია თოლორაიამ.

"ლიბერთი“ სოციალური პასუხისმგებლობის პროგრამის ფარგლებში აგრძელებს მომხმარებელზე ზრუნვას და მუდმივად ახორციელებს საინტერესო პროექტებს. ამ უპრეცედენტო ინიციატივით, უფროსი თაობის ადამიანებს ახალი პროფესიის
დაუფლების შესაძლებლობა მივეცით. ვიმედოვნებთ, როგორც თბილისში, ასევე რეგიონებში ჩვენს მიერ შექმნილი სპეციალური სივრცეები, ამ ადამიანების თვითრეალიზებას შეუწყობს ხელს“, - განაცხადა "ლიბერთის” გენერალური დირექტორის მოადგილემ, ლევან თხელიძემ.

(R)
1
11 ნოემბერი 2019 13:46
ეს კურსები ფასიანია თუ უფასო

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?
დღის კითხვადი სტატიები