საქართველოს ტექნიკურ უნივერსიტეტსა და ევროპის უნივერსიტეტს შორის ურთიერთთანამშრომლობის მემორანდუმს მოეწერა ხელი
საქართველოს ტექნიკურ უნივერსიტეტსა და ევროპის უნივერსიტეტს შორის ურთიერთთანამშრომლობის მემორანდუმს მოეწერა ხელი
საქართველოს ტექნიკურმა უნივერსიტეტმა და ევროპის უნივერსიტეტმა ურთიერთთანამშრომლობის მემორანდუმი გააფორმეს. ორმხრივ დოკუმენტს, საქართველოს ტექნიკური უნივერსიტეტის რექტორმა, პროფესორმა დავით გურგენიძემ და ევროპის უნივერსიტეტის რექტორმა ნინო ტალიაშვილმა მოაწერეს ხელი.

მხარეთა მიერ გაფორმებული მემორანდუმის უმთავრესი მიზნებია ორ უნივერსიტეტს შორის თანამშრომლობის გაღრმავება, სტუდენტებისთვის ერთობლივი საგანმანათლებლო პროგრამების შემუშავება, სასწავლო პრაქტიკის უზრუნველყოფა და კურსდამთავრებულთა სტაჟირების ხელშეწყობა, ასევე, სამეცნიერო-კვლევითი საქმიანობის ერთობლივად ორგანიზება, განვითარება და პოპულარიზაცია.

„საქართველოს ტექნიკური უნივერსიტეტი უძველესი საინჟინრო-ტექნოლოგიური სკოლაა საქართველოსა და სამხრეთ კავკასიაში, ცნობილი თავისი სამეცნიერო-საინჟინრო
მიღწევებითა და სამეცნიერო გამოგონებებით. დარწმუნებული ვარ, რომ ევროპის უნივერსიტეტთან ურთიერთთანამშრომლობის მემორანდუმის ფარგლებში, არაერთი სიახლე დაინერგება, როგორც საგანმანათლებლო პროგრამების შემუშავების, ასევე, ერთობლივი სამეცნიერო კვლევების განხორციელების მხრივ“, - აღნიშნა რექტორმა დავით გურგენიძემ.

საქართველოს ტექნიკური უნივერსიტეტის რექტორის, პროფესორ დავით გურგენიძის განცხადებით, მემორანდუმით გათვალისწინებული ღონისძიებები ორივე უნივერსიტეტში ხელს შეუწყობს
მაღალკვალიფიციური სპეციალისტებისა და სამეცნიერო კადრების მომზადებას, რაც თავის მხრივ, საგანმანათლებლო და სამეცნიერო პროცესს განავითარებს.

მემორანდუმის ხელმომწერი მხარეები ასევე ინფრასტრუქტურული, კულტურული, სპორტული ღონისძიებების დაგეგმვა-განხორციელებაზე შეთანხმდნენ. აღნიშნული ფაქტი საქართველოს ერთ-ერთ უდიდეს საჯარო უნივერსიტეტსა და კერძო უნივერსიტეტს შორის მრავალმხრივი თანამშრომლობის დაწყების პრეცენდენტს წარმოადგენს.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
როგორ შეიცვალა თქვენი ოჯახის ფინანსური მდგომარეობა ბოლო ერთი წლის განმავლობაში?
თქვენი აზრი მნიშვნელოვანია!
როგორ შეიცვალა თქვენი ოჯახის ფინანსური მდგომარეობა ბოლო ერთი წლის განმავლობაში?
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები