აჭარაზე მომზადებულ სიუჟეტს ევრონიუსის მაყურებელი 9 ენაზე იხილავს
აჭარაზე მომზადებულ სიუჟეტს ევრონიუსის მაყურებელი 9 ენაზე იხილავს
ევრონიუსი აჭარის ტურისტული პროდუქტების შესახებ სიუჟეტს ამზადებს. გადამღები ჯგუფი რეგიონს აჭარის ტურიზმის დეპარტამენტის მოწვევით სტუმრობს და გადაცემა "ფოკუსი"- თვის რეპორტაჟს აჭარიდან ამზადებს. სიუჟეტში მთავარი აქცენტი იუნესკოს კულტურული მემკვიდრეობის სტატუსის მქონე ეროვნულ პარკებზე გაკეთდება, შესაბამისად, გადაღებები კინტრიშის, მტირალას, კოლხეთის ეროვნულ პარკებსა და ქობულეთის დაცულ ტერიტორიაზე მიმდინარეობს.

აჭარის შესახებ მომზადებული სიუჟეტი ევრონიუსის ეთერში სექტემბრის ბოლოს გავა. მას 9 ენაზე მსოფლიოს 160 ქვეყანაში მილიონობით მაყურებელი იხილავს. სიუჟეტის ეთერში გასვლამდე ევრონიუსზე აჭარის საიმიჯო რგოლები
და ეროვნული პარკების ამსახველი ფოტო სლაიდშოუ ტრიალებს. აჭარის ტურიზმის დეპარტამენტის მიერ ევრონიუსზე რეგიონის რეკლამირების მიზანი აჭარის, როგორც ტურისტულად და საინვესტიციოდ მიმზიდველი ადგილის პოზიციონირებაა.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები