"დედაშვილობა"
ლომების ოჯახი გზას ადგა. ძუ ლომმა თავისი ლეკვი წამით უყურადღებოდ დატოვა თუ არა, ცნობისმოყვარე პატარამ მაშინვე ღრმა ხრამში დურთა თავი. კი ცდილობდა, ციცაბო კედელზე თავი როგორმე შეემაგრებინა, მაგრამ ამაოდ - ნელ-ნელა მიცოცავდა ფსკერისკენ.
შეშფოთებული ძუს დასახმარებლად მთელი ოჯახი მოემზადა, თუმცა დედამ ყველას დაასწრო - როგორც კი შეატყო, რომ მისი ნაშიერი დამოუკიდებლად თავს ვეღარ უშველიდა, ხრამში დაუფიქრებლად გადაეშვა, კედელზე მობღაუჭებული პაწია პირით ფრთხილად აიყვანა და რამდენიმე ღონიერი ნახტომით სამშვიდობოს ამოიყვანა.