ყველაზე, ყველაზე, ყველაზე...
ყველაზე მდიდრული ქორწილები
მონაკოს პრინც ალბერისა და მოცურავე შარლინ ვიტისტოკის ქორწილი 65 მლნ დოლარი დაჯდა, თითქმის ორჯერ მეტი, ვიდრე დაიხარჯა ბრიტანეთის პრინც უილიამისა და ქეთრინ მიდლტონის ქორწილზე.
ზეპური საზოგადოების წარმომადგენლები - კიმ კარდაშიანი და გოლიათი კალათბურთელი კრის ჰამფრი უკვე დაშორდნენ ერთმანეთს. მაგრამ CNN-ის რეიტინგით, მათი ქორწილი მაინც შევიდა შარშანდელ მდიდრულ ქორწილთა რიცხვში - ის 6 მლნ დოლარი დაჯდა.
მსოფლიოს ყველაზე მდიდარი
Forbes -მა მსოფლიოს უმდიდრეს ადამიანთა სამეული გამოავლინა. სამეული წელსაც იგივეა, რაც შარშან. პირველ ადგილზე კვლავ მექსიკელი კარლოს სლიმ ელუაა (74 მლრდ დოლარი), მეორეზე - ბილ გეიტსი (56 მლრდ დოლარი), მესამე ადგილი უორენ ბაფეტს ერგო (50 მლრდ დოლარი).
ყველაზე მაღალანაზღაურებადი მომღერალი
Forbes -მა 2011 წლის ყველაზე მაღალანაზღაურებად მომღერლებს შორის პირველი ადგილი მიაკუთვნა ლედი გაგას. კონცერტებმა და ალბომებმა მას 90 მლნ დოლარი მოუტანა; მეორე ადგილზეა ტეილორ სვიფტი, მან 45 მლნ დოლარი გამოიმუშავა ალბომებისა და სახელობითი პარფიუმერიის გაყიდვით; მესამეზეა - კეტი პერი (44 მლნ დოლარი); მეოთხეზე - ბეიონსე (35 მლნ დოლარი); მეხუთეზე - რიანა (22 მლნ დოლარი).
ანა ჩაკვეტაძე - ყველაზე სექსუალური ქალი რუსულ პოლიტიკაში
ინტერნეტგამოკითხვით რუსულ პოლიტიკაში ყველაზე სექსუალურ ქალად აღიარეს ცნობილი ჩოგბურთელი, დამწყები პოლიტიკოსი ანა ჩაკვეტაძე, მეორე ადგილზეა გოსდუმის დეპუტატი ალინა კაბაევა, მესამეზე - ანა ჩეპმანი.
შოუბიზნესის უმდიდრესი ქალბატონები
Forbes -ის რეიტინგში პირველ ადგილზეა ოპრა უინფრი. მან 2011 წელს 290 მლნ დოლარი გამოიმუშავა. უინფრის ქონება 2,7 მლრდ დოლარს შეადგენს, აშშ-ის ყველაზე მდიდარ ადამიანთა სიაში ის 139-ე ადგილზეა. უმდიდრეს ქალთა ათეულმა წელს სულ 739 მლნ დოლარი გამოიმუშავა.
ბრიტანეთის ყველაზე გავლენიანი მედიაპერსონა
Guardian-ის რეიტინგის თანახმად, მასობრივი ინფორმაციის საშუალებათა ყველაზე გავლენიანი პერსონა facebook-ის დამაარსებელი მარკ ცუკერბერგია. 2010 წელს ეს პოზიცია Apple-ს გენერალურ დირექტორს სტივ ჯობსს ეკავა.
2011 წლის რეიტინგით მეორე ადგილზეა მიკრობლოგების პოპულარული სერვისის ტწიტტერ-ის ერთ-ერთი შემქმნელი ჯეკ დორსი.
მესამეზეა Google-ს აღმასრულებელი დირექტორი ლარი პეიჯი. მეოთხეზე - კომპანია ბი-ბი-სის დირექტორი მარკ ტომპსონი.
2011 წლის საუკეთესო ავტომობილი
Forbes-მა ყველაზე ძვირი და სწრაფი ავტომანქანების რეიტინგი შეადგინა. პირველ ადგილზეა Bugatti Veyron 16,4 Super Sport-ი. მისი სიჩქარეა 430კმ/სთ, ღირებულება 2,5 მლნ დოლარი. მეორეზე - Lamborgini Sota (მისი გამოშვება 2012 წელს დაიწყება).