"პოზირება" სახურავზე
ნორფოლკის საგრაფოს ქალაქ უიტონში მცხოვრები პროფესიონალი ოსტატის, რიჩარდ ჰოტონის შავი ლაბრადორი აქსელი, პატრონს წუთითაც არ ტოვებს. საერთოდ, ძაღლებს სიმაღლე არ უყვართ, მაგრამ 50 კგ წონის აქსელი პატრონთან ერთად მკვეთრად დაქანებულ სახურავზეც კატასავით ადის, მაგრამ დამოუკიდებლად ჩამოსვლა არ შეუძლია და რიჩარდის დახმარება სჭირდება. აქსელი უკვე იქცა უიტონის ღირსშესანიშნაობად. გამვლელები გამუდმებით ფოტოებს უღებენ, რასაც ლაბრადორი აინუნში არ აგდებს. ხანდახან პოზირებს კიდეც.
