მახინჯი ეძახე და....
17-06-2013
მახინჯი ეძახე და....
ჩიხუახუასა და ტაქსას ნაჯვარი ძაღლი პატრონმა, როგორც ჩანს, თავიდან იმიტომ მოიშორა, რომ საოცრად მახინჯი  დაიბადა.  4 თვის საბრალო ლეკვი  ახალგაზრდა ქალმა კორტნი დეიშერმა სან-ფრანცისკოში, გზის პირას დაგდებული იპოვა. მახინჯ ლეკვს ტუნა დაარქვა და შინ წაიყვანა. დეიშერი ტუნას თავს ევლებოდა და საყვარელი ძაღლის ყოველდღიურად გადაღებული ფოტოებით ინტერნეტიც "გაავსო" - "ტუნამ ჩემი გული გაალღო", ასე ჰქვია დეიშერის ვებგვერდს, სადაც ძაღლს უკვე ნახევარ მილიონზე მეტი გულშემატკივარი ჰყავს. ბოლოს, მათი რჩევით, კორტნიმ ინტერნეტმაღაზიაც გახსნა,
სადაც ტუნას სიმბოლიკიანი წვრილმანი საქონელი იყიდება. "ჰელო, ტუნა"! - აწერია მაისურებსა თუ  მობილური ტელეფონის შალითებს, რომლებიც 20-25 დოლარად თვალსა და ხელშუა ქრება...

"მას სასაცილო მეჩხერი კბილები,  დანაოჭებული ყელი და უჩვეულო გამომეტყველება აქვს, მაგრამ დანახვისთანავე შემიყვარდა და მიხარია,
რომ უამრავ ადამიანს მოსწონს", - ამბობს კორტნი.
ბუნებრივია, რომ ახალგაზრდა ქალი, რომელიც მისთვისვე მოულოდნელად მილიონერად იქცა, თავის "განძს" ცივ ნიავს არ აკარებს.     


მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით