"ქორწინება საუკეთესო რამაა! ბოლოს და ბოლოს, შემიძლია ვთქვა, რომ ბედნიერი ვარ!" - განაცხადა 73 წლის თინა ტერნერმა, რომელიც ახლახან მეორედ გათხოვდა. თინას პირველი ქმარი, აიკი, რომელსაც ის 1958 წელს გაჰყვა ცოლად, მას სისტემატურად სცემდა და შეურაცხყოფდა... სუპერვარსკვლავის რჩეული 57 წლის მუსიკალური პროდიუსერი  ერვინ ბახია. მათი რომანი 27 წელიწადს გრძელდებოდა. ამ ხნის მანძილზე ერვინმა ხელი მრავალჯერ სთხოვა, თუმცა ვარსკვლავი მხოლოდ ახლა დათანხმდა. ციურიხის ტბის პირას, თინას ვილაში გამართულ ქორწილს, თინას თხოვნით, თეთრებში ჩაცმული 120 ნათესავი და მეგობარი ესწრებოდა. მათ შორის ოპრა უინფრი, დეივიდ ბოუი, ეროს რამაზოტი, პატარძალს კი "არმანის" მომწვანო კაბა ეცვა. ცერემონია ბუდისტური წესებით გაიმართა, რადგან თინა ბუდისტი ჯერ კიდევ 1970 წელს გახდა.