"რასისტი გედი"
21-04-2014
"რასისტი გედი"
ბრიტანეთის ერთ-ერთი ყველაზე ავტორიტეტული საგანმანათლებლო  დაწესებულების - იორიკის უნივერსიტეტის კამპუსში ანუ საერთო საცხოვრებელში "რასისტი" გედი დასახლდა. როგორც კი უცხოელი სტუდენტები კამპუსის ტერიტორიაზე არსებულ პატარა ტბასთან საცალფეხო ხიდით მისი ბუდის გვერდით გავლას დააპირებენ, გაცეცხლებული გედი ასისინდება და ვისაც წასწვდება, ყველას ჰკბენს. უცხოელი სტუდენტები იფიცებიან, "რასისტი" გედი მხოლოდ მუქი კანის ფერის გამო გვკბენს, ადგილობრივ სტუდენტებს კი არასდროს ერჩისო! ბრიტანეთში გედებს კანონი მკაცრად იცავს, ამიტომ უნივერსიტეტის ადმინისტრაცია იძულებული გახდა, სტუდენტების დასაცავად  აგრესორის ტერიტორია
შემოეღობა.

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით