"ბოლო ბანაობა..."
39 წლის ლეონარდო დი კაპრიო და მისი 21 წლის შეყვარებული ტონი ჰარნი ბომონდის ყურადღების ცენტრში არიან. პაპარაცებმა წყვილს ტროპიკულ სამოთხედ აღიარებულ კუნძულ ბორა-ბორაზეც მიაგნეს. მაგრამ მთავარი ის არის, რომ ლეოს ძმაკაცები ამტკიცებენ, ეს რომანტიკული მოგზაურობა დღემდე უცოლო დი კაპრიოსთვის "ბოლო ბანაობაა", რადგან მექალთანე სუპერვარსკვლავის მიჯნურობა ამჯერად საქორწინო უღელში თავის გაყოფით დასრულდება. მათი მტკიცებით, უგონოდ შეყვარებულები ერთმანეთს განუწყვეტლივ კოცნიან ხმელეთსა თუ წყალში, რაშიც მსუქანა ლეოს ღიპიც კი ვერ უშლის ხელს.