"შეიძლება ბევრ შეცდომასაც ვუშვებდი, ახლა ეს აღარ მაწუხებს... მორჩა"! - ქართული კინოს მშვენება ლიკა ქავჟარაძე (+ ფოტოგალერეა)
"შეიძლება ბევრ შეცდომასაც ვუშვებდი, ახლა ეს აღარ მაწუხებს... მორჩა"! - ქართული კინოს მშვენება ლიკა ქავჟარაძე (+ ფოტოგალერეა)
"სიყვარულისთვის საზღვრები და ადგილები არ არსებობს. ის მაშინ მოდის, როცა უნდა. რაც წლები გემატება, სიყვარული უფრო ღრმა, ტკბილი და სასიამოვნოა. შესაძლოა, ნაკლებად ბობოქარი და თავქარიანი, მაგრამ ძალიან ნამდვილი".

ქართველი კინოვარსკვლავი, უმშვენიერესი ლიკა ქავჟარაძე გარდაიცვალა, გთავაზობთ სტატიას არქივიდან:

(ფოტოგალერეა)

ცნობილი ქართველი მსახიობი, "ნატვრის გოგონა" ლიკა ქავჟარაძე თბილისში დაიბადა. მისი სამსახიობო კარიერა ადრეული ასაკიდან დაიწყო. ის 12 წლის იყო, როცა მოკლემეტრაჟიან ფილმ „შადრევანში“ გადაიღეს. შემდეგ იყო: „როცა აყვავ
და ნუში“, „მშვენიერი კოსტიუმი“ და სხვა, თუმცა კინოში განსახიერებული 30-მდე როლის მიუხედავად, მაყურებლის განსაკუთრებული სიყვარული და აღიარება მას თენგიზ აბულაძის „ნატვრის ხეში“ შესრულებულმა მარიტას როლმა მოუტანა. ლიკა ქავჟარაძემ ბრწყინვალედ განასახიერა გიორგი ლეონიძის გმირი და საზოგადოებისთვის ის დღესაც მარიტად რჩება.

„წლინახევრის ვიყავი, როცა მშობლები ერთმანეთს გაშორდნენ, ამიტომ მამა ბუნდოვნად მახსოვს. განებივრებული? - არა, არასდროს ვყოფილვარ. დედას ამის საშუალება, უბრალოდ, არ ჰქონდა. 12 წლიდან კინოში დავიწყე გადაღება და ჩემი ოჯახის მარჩენალი გავხდი...
მარიტამ მართლაც რომ წარუშლელი კვალი დატოვა არა მარტო ჩემს კარიერაში, არამედ, ზოგადად, ცხოვრებაში. იმის მიუხედავად, რომ საკმაოდ ბევრ ფილმში ვითამაშე, „ნატვრის ხე“ მაინც სხვა იყო. დღემდე სწორედ ამ ფილმით მიხსენებენ.
მარიტას როლი ცხოვრების ბოლომდე გამყვება“, - განაცხადა მსახიობმა ერთ-ერთ ინტერვიუში.

მიუხედავად აქტიური გადაღებებისა, ლიკამ ბედი პოდიუმზეც სცადა. როგორც მოდების სალონის „ირიდას“ დამფუძნებელი იხსენებდა, ლიკას სილამაზე დანარჩენ მოდელებს იმდენად აკომპლექსებდა, რომ მის გვერდით გამოსვლა უჭირდათ.

1973 წელს დაამთავრა თბილისის სახელმწიფო კონსერვატორია ფორტეპიანოს განხრით, ასევე გატაცებული იყო მხატვრობით.

საზოგადოებაში ის დღესაც დიდ ინტერესს იწვევს, არსებობს უამრავი საკითხი რაზეც მსახიობი არ ლაპარაკობსს, თუმცა როგორც ამბობენ, მისი ცხოვრება მუდამ სავსე იყო დრამატიზმით.

რას აღარ ამბობდნენ მასზე... ჰყვებოდნენ, რომ ოდესღაც ახალგაზრდობაში პრეფერანსის თამაშით იყო გატაცებული და დიდი თანხა წააგო, რის გამოც საშინლად ნერვიულობდა, თუმცა შემდეგ თანხა არ გამოართვეს - ლიკას ფულს როგორ გამოვართმევთო... ამბობენ, რომ სწორედ ამ ინციდენტის შემდეგ დაეწყო დეპრესიები... თბილისში ბევრს ლაპარაკობდნენ ლიკას ხშირ დეპრესიებზე და თხზავდნენ ამ დეპრესიების მიზეზებს. არავინ იცის, სად მთავრდებოდა ამ ამბებში სიმართლე და სად იწყებოდა ლეგენდა... ის-ის იყო, მინელდა მასზე ჭორაობა და ლიკამ თავად გამოიწვია ის, როდესაც თამამი ნაბიჯი გადადგა და თავისზე ბევრად პატარა ბიჭს გაჰყვა ცოლად.  ამავდროულად მონაწილეობა მიიღო ეროტიკულ ფილმში. 

ლიკა განსაკუთრებულად იხსენებს ბავშვობის წლებს. როგორც ამბობს, დედას მუდამ ყურადღების ცენტრში ჰყავდა, მუდამ აკონტროლებდა რას აკეთებდა გოგონა. ის შვილის ადრეულ ასაკში დაოჯახების წინააღმდეგიც იყო. 15 წლის იყო, როცა ჩოგბურთზე მიმავალს სანდრო თაქთაქიშვილი - მომავალი მეუღლე შეხვდა. სწორედ პირველი ქორწინებიდან ჰყავს მსახიობს ვაჟი - ლევანი.

"გადაღებაზე მივდიოდი, დედა მომყვებოდა, სადღაც სხვაგან - ისევ დედა ან ბებია... 24 საათიანი მეთვალყურეობის ქვეშ ვიყავი. ამიტომ ძალიან გამიჭირდა ცხოვრება. არ ვიცი, შეიძლება ჩემთვის იმის აცილება უნდოდა, რაც თვითონ დაემართა, არ ვიცი. მაგრამ, როცა ასეთ პირობებში გაიზრდები და წლების მერე, საერთოდ სხვაგან აღმოჩნდები, სხვა ქვეყანაში, შეიძლება გაგიჟდე. ამერიკაში დარჩენის საშუალება გვქონდა, სადაც ჩემი პირველი მეუღლე, სანდრო მუშაობდა, მაგრამ ვერა! არა! არ შემეძლო! მიუხედავად იმისა, რომ 1993-94 წელი იყო და ყველას აქედან გაქცევაზე ეჭირა თვალი. უკან დავბრუნდით", - ამბობს მსახიობი ჟურნალ "ცხელ შოკოლადთან" ინტერვიუში (წყარო)

"ყველაზე ცუდად ალბათ მაშინ ვიყავი, როდესაც დედა გარდაიცვალა; ხატვა დავიწყე და ვცდილობდი ამაზე გადამეტანა ყურადღება. ძალიან ცუდად გავხდი, მეგონა ფეხებქვეშ მიწა გამომეცალა", - იხსენებს ერთერთ ინტერვიუში მსახიობი

გთავაზობთ მსახიობის ფრაზებს სხვადასხვა ინტერვიუდან:

"ყველაფერი, რაც ადრე გამიკეთებია, კარგი თუ ცუდი, ყველაფერი რაღაცისგან გამოწვეული იყო - რაღაც დაუკმაყოფილებლობის გამო, რაღაცის ასანაზღაურებლად. ამიტომ, შეიძლება ბევრ შეცდომასაც ვუშვებდი. ახლა ეს აღარ მაწუხებს... მორჩა"!

"ისევ შენ თვითონ უნდა იპოვო გამოსავალი. აუცილებლად უნდა დაკავდე, ის საქმე აკეთო, რაც გსიამოვნებს და ცხოვრებას სხვაგვარად შეხედო".

"სიყვარულისთვის საზღვრები და ადგილები არ არსებობს. ის მაშინ მოდის, როცა უნდა. რაც წლები გემატება, სიყვარული უფრო ღრმა, ტკბილი და სასიამოვნოა. შესაძლოა, ნაკლებად ბობოქარი და თავქარიანი, მაგრამ ძალიან ნამდვილი". (წყარო)

იხილეთ ფოტოგალერეა

ფოტოების ნაწილი აღებულია მსახიობის "ფეისბუკგვერდიდან"

მოამზადა ეკა გადახაბაძემ
ირინა
19 ოქტომბერი 2017 00:45
ყველას! ქართველებო,ვღელავ,მაგრამ ეს რა საოცარი სურათებია,განსაკუთრებით ასაკში მყოფი ლიკასი=მართლაც ბერგმანის კინოვარსკვლავი:ქუფრი მინზიდველობით დაფარული შინაგანი ტკივილიანი მზერა,რომელიც მეტყველებს საიდუმლო ენით იმას,რასაც კონცერტის წინ გამსვლელებს კონსერვატორიაში პიანისტებს ხშირად ეუბნებიან გამოცდილი მუსიკოსები:იცოდე,ქართველი მსმენელი ხუმრობა არ გეგონოს..ვერ მოატყუებო..ე.ი.ლიკას მზერაში ჩანს,რომ ის არ ტყუვდებოდა..ეს კი სიბრძნეა.. ვისაც სიბრძნე აქვს=მისი იდუმალი ენა ესმის კიდეც ჩემი აზრით. სიბრძნე არასოდეს არ იტყუება: არც ფერში და არც ბგერაში..ლიკასთან მზერაში ეს გამოსჭვივის და კიდევ ის,რომ ეს მიუწვდომელი სიბრძნე უფრო უყვარს, ვიდრე ყოველდღიური სიყალბე..("ვისაც ჩემზე მეტად გიყვართ ან შვილი,ან ცოლი...ჩემი მოწაფეობის ღირსი არ ხართო"დაახლოვებითი ციტატა სახარებიდან გახსოვთ?)-ამიტომ თამამია მისი გადაწყვეტილება!!დიახ,ის არავის არ უთმობს თავისში არსებული სიბრძნის სიყვარულს..მან სავსედ იცხოვრა ნამდვილი მზიური სიბრძნის სხივებით!!უბრალოდ არ იცოდა ლიკამ,რომ მას აფასებდნენ,უყვარდა ბევრს,ბევრს..აი,მარტო ესაა მიზეზი,რომ წერენ "სამწუხაროდ,ლიკა ცხოვრებაში ბედნიერი არ იყოო"..მარტო ეს ეკლდა-და ესეც ცხოვრების ბოლოს კურთხევად მოუვლინა ჩვენს მეგობარ,ღვთაებრივი სიბრძნის გონებით მომზირზლ ლიკას =ზენამ..მშვიდობა გქონებოდეს ძვირფასო ნიჭიერო ქართველო ქალო და მადლობას გიხდი შენ ლიკა,მადლობ!!!
ირა
19 ოქტომბერი 2017 00:10
ქართველებო,
ლეილა
13 ოქტომბერი 2017 20:02
სამწუხაროა,რომ ყველასთვის საყვარელი(არა მარტო მსახიობი),არამედ ნამდვილი ქართველი ქალი,სილამაზის დედოფალი,სულით ლამაზი,უზომოდ თავმდაბალი და მოსიყვარულე ადამიანი, ლიკა-მარიტა აღარ დაამშვენებს დედამიწას, ჩვენ საზოგადოებას და ქართულ კინოს.
რუბრიკის სხვა სიახლეები
მისაღებია თუ არა თქვენთვის ნარკოპოლიტიკის ლიბერალიზება?
თქვენი აზრი მნიშვნელოვანია!
მისაღებია თუ არა თქვენთვის ნარკოპოლიტიკის ლიბერალიზება?