ScubaDiving: მარტვილის კანიონი ევროპის 8 საუკეთესო ადგილს შორის (+ ფოტოგალერეა)
07-07-2017
ScubaDiving: მარტვილის კანიონი ევროპის 8 საუკეთესო ადგილს შორის  (+ ფოტოგალერეა)
მარტვილის კანიონი წყალქვეშა ცურვისთვის ევროპის 8 საუკეთესო ადგილს შორის დასახელდა.
ჩამონათვალი წყალქვეშა ცურვის შესახებ არსებულმა ვებგვერდმა ScubaDiving-მა გამოაქვეყნა. ჩამონათვალის შედგენისას მათ 8 წყალქვეშა ფოტოგრაფს სთხოვეს დაესახელებინათ საუკეთესო ადგილები ყვინთვისთვის.

მარტვილის კანიონი საუკეთესოდ აღიარა ფოტოგრაფმა ვიქტორ ლიაგუშკინმა, რომელიც 2015 წელს,  მეუღლესთან და მოგზაურთა კლუბ "თეთნულდთან" ერთად ორთვიან ექსპედიციაში იმყოფებოდა. მათ მოინახულეს მარტვილის კანიონი. ლიაგუშკინმა ფოტომასალის გაკეთებისას მთავარი აქცენტი ტურიზმის სახეობა - "დაივინგზე" გააკეთა.

"საქართველო უძველესი ქვეყანაა შავ ზღვასა და კავკასიის მთებს
შორის. ქვეყანაში უამრავი გამოქვაბული და კანიონია, ზოგიერთი კი იმდენად მიუდგომელია, რომ მათ თანამგზავრითაც ვერ დაინახავთ. მარტვილის კანიონზე ულამაზესი, გამჭვირვალე ჩანჩქერებია და ეს ყველაფერი სიმწვანეში ისეა მოქცეული, ერთობლიობაში სადღესასწაულო განათებას ჰგავს. მარტვილის კანიონი ენით აუწერელი სილამაზეა", - ასე დაახასიათა ფოტოგრაფმა მარტვილის კანიონი.

წყალქვეშა მოგზაურობისთვის 8 საუკეთესო
ადგილს შორის ასევე მოხვდნენ: ხორვატია, სლოვაკეთი, ნორვეგია, კანარის კუნძულები, შვეიცარია, ინგლისი და საფრანგეთი.

საქართველოში ბევრი ისეთი აუთვისებელი ადგილია, რომლებმაც ადვილი შესაძლებელია კონკურენცია გაუწიოს სხვა ქვეყნების ცნობილ ტურისტულ ერთეულებს.

იხილეთ ფოტოები, რომელიც ვიქტორ ლიაგუშკინმა მარტვილის კანიონში გადაიღო
MARI
10 აგვისტო 2017 11:13
თუ სხვას მოსწონს,ესეიგი კარგია.რა ჩვენ თვითონ არ ვიცით,რომ უნიკალური ქვეყნის უნიკალური ხალხი ვართ,მაგრამ ...
giorgi
10 აგვისტო 2017 09:57
მეც მსურდა მომწონებოდა, მაგრამ პირველივე მიახლოება ნაპირთან გააფუჭა მოქალაქეთა ღორობამ - მიმოფანტული სიგარეტის კოლოფები, მოტივტივე ცელოფნის პარკები, საზამთროს ქერქები და ასე შემდეგ.. სანახაობამ მეორე პლანზე გადაინაცვლა ყველაფრის შემყურე.. ამის ღმერთი არ იყოს, სახლში ვერ გაძღები საზამთრო-სიმინდით, ბარში ვერ ჩახეთქავ ლუდს? სიგარეტის ნამწვებზე საერთოდ არაფერს ვამბობ.
23 ივლისი 2017 16:37
ვიყავი... ვნახე... შოკში ვარ. ზღაპარში მეგონა თავი. ენით აუწერელი სილამაზეა!

რედაქტორის რჩევით