სამყაროს დასასრული ნიუტონმა - 2060, ვანგამ კი 5079 წლისთვის იწინასწარმეტყველა?
10-08-2017
სამყაროს დასასრული ნიუტონმა - 2060, ვანგამ კი 5079 წლისთვის იწინასწარმეტყველა?
ბოლო ხანს ჩვენში გახშირდა ლაპარაკი სამყაროს მოსალოდნელ დასასრულზე, რა დროსაც ხშირად იხსენებენ ხოლმე საუკუნეების წიაღიდან ჩვენამდე მოღწეულ წინასწარმეტყველებებს.

ამ თვალსაზრისით ერთ-ერთ ყველაზე საგულისხმო მოსაზრებად განიხილავენ ხოლმე ცნობილი მეცნიერის, ფიზიკისა და ასტრონომიის მამის ისააკ ნიუტონის წინასწარმეტყველებას. როგორც ამბობენ, ამ უკანასკნელმა შორეულ 1704 წელს ნაშრომი გამოაქვეყნა, სადაც დედამიწის დაღუპვა 2060 წლისთვის იწინასწარმეტყველა. ამ ვერსიის თანახმად, ნიუტონმა, რომელმაც აღმოაჩინა მსოფლიო მიზიდულობის კანონი, დანიელ წინასწარმეტყველის წიგნზე დაყრდნობით დაასკვნა, რომ კაცობრიობა კარლოს დიდის მიერ, 800
წელს შექმნილი იმპერიის შემდეგ კიდევ 1260 წელი იარსებებდა.

რაც შეეხება ცნობილ ბულგარელ მისან ვანგას, მან დედამიწის დაღუპვის თარიღად 5079 წელი დაასახელა.
როგორც ამბობენ, მან თავის დროზე ყოფილი სსრკ-ისა და იუგოსლავიის დაშლის თარიღები მეტ-ნაკლები სიზუსტით იწინასწარმეტყველა.

გთავაზობთ დედამიწის ახლო თუ შორეული მომავლის ვანგასეული პროგნოზების რამდენიმე მაგალითს:

2018 წ. -  მსოფლიოს ახალი წამყვანი სახელმწიფო ევლინება და ამ მისიას ჩინეთი შეასრულებს.
2023 წ. - დედამიწის ორბიტა მცირედით შეიცვლება.
2025 წ. - ევროპის კონტინენტზე მოსახლეობა მნიშვნელოვნად შემცირდება.

...

4599 წ. - ადამიანებმა ბოლოს და ბოლოს უკვდავების წამალი იპოვეს.
4674 წ. - ცივილიზაციის განვითარებამ თავის აპოგეას მიაღწია. სხვადასხვა პლანეტებზე მაცხოვრებელი ადამიანების საერთო რაოდენობამ 340 მილიარდი შეადგინა.

5076 წელი. - ნაპოვნი იქნა გალაქტიკის საზღვარი. მეცნიერები ბჭობენ, თუ რა არის ამ კარიბჭის მიღმა.
5078 წელი. - მიღებულ იქნა გადაწყვეტილება, რომ ადამიანებმა დატოვონ გალაქტიკის საზღვრები.
5079 წელი. - სამყაროს აღსასრული

იხილეთ ასევე: რა უწინასწარმეტყველა ვანგამ საქართველოს? - რას ყვება მასთან შეხვედრაზე ქართველი ჟურნალისტი

გიორგი გაჩეჩილაძე (სპეციალურად საიტისთვის)

ლელა კალია
21 აგვისტო 2017 17:45
რას ამბობთ დილეტანტებო,რაის განადგურდება?!საქართველო გაბრწყინდება,ვხედავ როგორ ამოდის მზე საქართველოს თავზე,საქართველოს მტრები ნადგურდებიან 2019 წელს,2023 წელს მოსახლეობა იქნება 12 მილიონი(ლიმონი)(ყველა ქართველი იქნება)2037 წელს ხელფასი 1000000(ლიმონი),პენსია ამაზე გრძელი(ასე 25),პური უფასო,მიწა გლეხს,ყველი ძროხას.2050 წელს ვიპყრობთ 1000000(ლიმონი)კუბურ მეტრ ევროპას(რაც დაგვრჩა ცოტა რა),და ყველა მივდივართ წინ,საბოლოო გამარჯვებისკენ!ასეა ეს,გუშინ ვნახე
კუნგა
21 აგვისტო 2017 17:35
5079 ? თვე და რიცხვი???მთელი წელი უნდა ველოდოოოთ?რა წესია ვანგა?
luxo
12 აგვისტო 2017 19:50
მე დასაწყისი ჩემი არ ვიცი,
არსთა გამრიგემ ასე ინება,
და რომ არ ვიცი ეს გზაც,... სად მიდის,
სად მივალ, როგორ მეცოდინება.
*

რედაქტორის რჩევით