ძაღლების დესერტი
ბრიტანეთში "ძაღლის ნაყინი" გამოჩნდა, რომელიც "მოძრავ ჯიხურებში" იყიდება. ნაყინი საგანგებო რეცეპტით არის მომზადებული და ადამიანის მეგობრის
"გემოვნებასა და სურვილს" ითვალისწინებს. "ადამიანური ნაყინისგან" კი შემადგენლობით განსხვავდება - ქათმისა და ღორის ხორცის ფარშისგან არის დამზადებული და ხრაშუნა ბისკვიტის ჭიქაშია ჩამოსხმული.
ასეთი ნაყინის დამზადებას ბრიტანელები დიდი ხანია ითხოვდნენ: "ადამიანური ნაყინი" ძაღლისთვის ძნელი მოსანელებელია. ესეც რომ არ იყოს, ჩვენი ერთგული "ძმები" ნამდვილად იმსახურებენ გემრიელ "ნუგბარს".