76-დღიანი კარანტინის შემდეგ, ჩინეთის ქალაქ უხანში სკოლები გაიხსნა - ვინ წავიდა სკოლაში და რა პირობებში უწევთ სწავლა?
76-დღიანი კარანტინის შემდეგ, ჩინეთის ქალაქ უხანში, საიდანაც ახალი კორონავირუსი მთელს მსოფლიოში გავრცელდა, 6 მაისს პირველად გაიხსნა სკოლები.
უხანში სკოლებმა მხოლოდ ის 57 ათასი მოსწავლე მიიღო, რომლებიც საგამოცდოდ ემზადებიან.
ბავშვებს სწავლის გაგრძელება განსაკუთრებულ პირობებში უწევთ. პირბადეების გამოყენება აქ აუცილებელია.
მოსწავლეები ყველა ჰიგიენის დაცვით შეუდგნენ სწავლას, ხელებს სკოლის შესასვლელში იმუშავებენ, მერხები კი ერთმანეთისგან გამჭვირვალე მინითაა იზოლირებული.
შეგახსენებთ, რომ ჩინეთში, უხანის ღია ბაზარში კორონავირუსის პირველი შემთხვევა 2019 წლის დეკემბერში დაფიქსირდა.
უახლესი ინფორმაციით, ჩინეთში სულ დაფიქსირდა კორონავირუსისი 82 885 შემთხვევა, გარდაიცვალა 4 633 ადამიანი, ხოლო ვირუსისგან გამოჯანმრთელდა 77 957 ადამიანი.
(სპეციალურად საიტისთვის)