"ბრანდენბურგის ბრძოლა"
გერმანიაში ინტერნეტის საშუალებით ორგანიზებული გრანდიოზული ფლეშ-მობი გაიმართა. ათასობით ახალგაზრდა გერმანელი ბერლინში, ბრანდენბურგის კარიბჭესთან შეიკრიბა ბალიშებით ხელში - მიზანი "ბალიშებით ბრძოლაში" მსოფლიო რეკორდის დამყარება გახლდათ. "გააფთრებულ ომში", რომელშიც მამაკაცებიც და ქალებიც მონაწილეობდნენ, "ბუმბული ცასა სწვდებოდა", თუმცა რეკორდის საკითხი მაინც ღია დარჩა - დოყლაპია ორგანიზატორები ამდენ "მეომარს" არ ელოდნენ და მებრძოლთა სრულად აღრიცხვა ვერაფრით მოახერხეს.