"21 წელია ამ დაბადების დღეს ვგეგმავდით და შენთან ვერ ვარ ისე, მე და შენ რომ ვიცით" - თინა ხიდაშელის ემოციური მილოცვა შვილს - კვირის პალიტრა

"21 წელია ამ დაბადების დღეს ვგეგმავდით და შენთან ვერ ვარ ისე, მე და შენ რომ ვიცით" - თინა ხიდაშელის ემოციური მილოცვა შვილს

"21/21/21/21 ეს ბიჭი რომ მომიფრინდა ჩემი სამყარო შეიცვალა. ეს ბიჭი რომ დაიბადა ყველაფერს სახელი დაერქვა, რაზეც მანამდე მიფიქრია და მიოცნებია", - წერს თინა ხიდაშელი სოციალურ ქსელში და შვილს დაბადების დღეს ულოცავს:

"ამ ბიჭმა გამინათა დედამიწა, მზე მიწაზე ჩამოიტანა და ჩემს სახლში შემოიყვანა.

და ზუსტად ვიცი, როგორი კაციც იქნება ის ზუსტად ისეთი იქნება ჩემი კვალი დედამიწაზე.

21 წელი ამ დაბადების დღეს ველოდით, 21 წელს, 21 რიცხვში 21-წლის გახდი. 21 წელია ამ დაბადების დღეს ვგეგმავდით და შენთან ვერ ვარ ისე, მე და შენ რომ ვიცით, მაგრამ ამასობაში ამ 21-ე წელს, ამ ჩემს ავადმყოფობაში ისიც ხომ ვნახეთ, რომ სულ სხვაგვარი ოჯახი ვართ ვიდრე ოდესმე ვიფიქრებდით, ხოდა კიდევ უფრო მეტი ყოფილხარ, უფრო დიდი ყოფილხარ, უფრო მაგარი!!!!

ხოდა არ დაგრჩები ამ 21-ს ვალში კი იცი შენ, მთავარია ცოტაც გავიაროთ ერთად ხელჩაკიდებილებმა ოთხივემ!!!", - წერს თინა ხიდაშელი.