უკრაინიდან რუსი ჟურნალისტი გააძევეს
რუსული ВГТРК-ს კორესპონდენტი თამარა ნერსესიანი უკრაინიდან გააძევეს. აღნიშნულის შესახებ ტელეარხი „Россия 24“ იუწყება.
„კიევიდან გააძევეს ВГТРК-ს სპეციალური კორესპონდენტი თამარა ნერსესიანი. დეტალების შესახებ ჟურნალისტი მოგვიანებით გააკეთებს განცხადებას, თუ რა პრეტენზიები წაუყენეს მას უკრაინის ხელისუფლების წარმომადგენლებმა“, - ნათქვამია ტელეარხის განცხადებაში.
აღსანიშნავია, რომ 2017 წლის ივლისში უკრაინის უსაფრთხოების სამსახურმა უკრაინიდან რუსი ჟურნალისტი მარია კნიაზევა გააძევა.
"ინტერპრესნიუსი"