მიხეილ სააკაშვილმა უკრაინის საზღვრის უკანონო გადაკვეთისთვის დაკისრებული ჯარიმა გადაიხადა
საქართველოს ყოფილმა პრეზიდენტმა, ოდესის ოლქის ყოფილმა გუბერნატორმა, პარტია "ახალი ძალების" ლიდერმა მიხეილ სააკაშვილმა უკრაინის საზღვრის უკანონო გადაკვეთისთვის დაკისრებული ჯარიმა გადაიხადა, - ამის შესახებ "უკრაინსკიე ნოვინის" სააკაშვილის ადვოკატმა მარკიან გალაბალამ განუცხადა.
"რა თქმა უნდა, ჯარიმა მან უკვე გადაიხადა", - განაცხადა გალაბალამ.
შეგახსენებთ, რომ 22 სექტემბერს ლვოვის ოლქის ქალაქ მოსტისკას რაიონულმა სასამართლომ მიხეილ სააკაშვილი საზღვრის უკანონოდ გადაკვეთისთვის 3400 გრივნით დააჯარიმა, რაც 130 აშშ დოლარს უდრის.
"ინტერპრესნიუსი"