რას ამბობს პუტინი სირიაში განხორციელებულ ავიადარტყმაზე? - კვირის პალიტრა

რას ამბობს პუტინი სირიაში განხორციელებულ ავიადარტყმაზე?

ვლადიმერ პუტინი სირიაში საერთაშორისო კოალიციის მიერ განხორციელებულ სამხედრო ავიადარტყმებზე პირველ კომენტარს აკეთებს.

კრემლის ოფიციალური ვებ-გვერდის ინფორმაციით, სირიაში შექმნილ ვითარებასთან დაკავშირებით, აშშ-სა და მათი მოკავშირეების აგრესიული ქმედებების განსახილველად, რუსეთის პრეზიდენტი გაერო-ს უშიშროების საბჭოს საგანგებო სხდომას იწვევს.

"14 აპრილს აშშ-მა და მათმა მოკავშირეებმა სირიაში სამოქალაქო ინფრასტრუქტურისა და შეიარაღებული ძალების ობიექტებზე სარაკეტო იერიში მიიტანეს. გაერო-ს წესდებისა და საერთაშორისო სამართლის დარღვევით, უშიშროების საბჭოს სანქციის გარეშე ჩადენილია აგრესიის აქტი სუვერენული სახელმწიფოს წინააღმდეგ, რომელიც ტერორიზმთან ბრძოლის წინა ხაზზე იმყოფება", - განაცხადა რუსეთის პრეზიდენტმა ვლადიმერ პუტინმა.

ოფიციალური სირიის პირველი კომენტარი საერთაშორისო კოალიციის ავიადარტყმებზე

მისივე თქმით, რუსეთი გმობს სირიაზე თავდასხმას, სადაც რუსი სამხედროები კანონიერ ხელისუფლებას ტერორიზმთან ბრძოლაში ეხმარებიან.

"თავისი ქმედებებით აშშ ამძიმებს სირიაში ჰუმანიტარულ კატასტროფას, უბედურება მოაქვს მშვიდობიანი მოსახლეობისთვის და ფაქტობრივად ტერორისტების წისქვილზე ასხამს წყალს და ამ ქვეყნიდან და რეგიონიდან ლტოლვილების ახალი ტალღის პროვოცირებას ახდენს", - განაცხადა პუტინმა.

იხილეთ ასევე: "სიმტკიცის დილა" - ბაშარ ასადი სამსახურში ჩვეულ რეჟიმში გამოცხადდა (ვიდეო)