ძლიერი წყალდიდობა ანკარაში - არიან დაშავებულები
თურქეთის დედაქალაქ ანკარაში ძლიერმა წვიმამ წყალდიდობა გამოიწვია, წყალმა 100-ზე მეტი ავტომობილი წაიღო. ანკარას მერის მუსტაფა თუნას განცხადებით, მსგავსი წყალდიდობა ანკარაში არასდროს ყოფილა.
„6 ადამიანი დაშავდა, დაღუპულები არ გვყავს. მატერიალური ზიანი ძალიან სერიოზულია. ასეთი წყალდიდობა ჯერ არ მომხდარა“, - განაცხადა თუნამ.
თურქი მეტეოროლოგები ვარაუდობენ, რომ ძლიერი წვიმა ანკარაში კიდევ 3 დღე გაგრძელდება.