საჯარო მოხელეს არასწორად დასმული მძიმის გამო ხელფასის ასჯერ მეტი ოდენობა ჩაერიცხა
28-08-2018
საჯარო მოხელეს არასწორად დასმული მძიმის გამო ხელფასის ასჯერ მეტი ოდენობა ჩაერიცხა
ავსტრალიაში ჩრდილოეთ ტერიტორიის რეგიონის ადგილობრივ ხელისუფლებაში მომუშავე მოხელეს ხელფასის ასჯერ მეტი ოდენობა ჩაერიცხა ციფრებში არასწორად დასმული მძიმის გამო. ამის შესახებ ინფორმაციას BBC ავრცელებს.

აღნიშნულ მოხელეს ყოველთვიური ხელფასის სახით 4,926.76 ავსტრალიური დოლარი უნდა მიეღო, თუმცა შეცდომის გამო 492,176 ავსტრალიური დოლარი ჩაერიცხა (360,700 აშშ დოლარი).

აღნიშნული შეცდომა რეგიონის გენერალურმა აუდიტორმა აღმოაჩინა და ადამიანურ შეცდომად შეაფასა.

როგორც ავსტრალიური მედია იუწყება, მოხელემ ცდუნებას გაუძლო და ფული უკან დააბრუნა.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით