რუსეთი "ცივი ომის" შემდეგ ყველაზე მასშტაბურ სამხედრო წვრთნებს იწყებს
30-08-2018
რუსეთი "ცივი ომის" შემდეგ ყველაზე მასშტაბურ სამხედრო წვრთნებს იწყებს
რუსეთი სექტემბერში მასშტაბურ სამხედრო წვრთნებს გეგმავს, 300 000 სამხერდო მოსამსახურის მონაწილეობით. წვრთნებში მონაწილეობას რუსეთის გარდა, ჩინეთისა და სავარაუდოდ, მონღოლეთის შეიარაღებული ძალებიც მიიღებენ.

კრემლის სპიკერის, დმიტრი პესკოვის განცხადებით Vostok-2018-ის სამხედრო წვრთნების ჩატარების მიზეზი ქვეყნის მიმართ არსებული "აგრესიული და არამეგობრული" დამოკიდებულებებია. Vostok-2018-ის მასშტაბები, მასში ჩართული სამხედრო შეიარაღებული ძალებისა და ტექნიკის ოდენობის მხრივ მეორე მსოფლიო ომის ყველაზე მაშტაბურ ბრძოლას უტოლდება.

თავდაცვის მინისტრის, სერგეი შოიგუს ინფორმაციით, სამხედრო წვრთნები ჩატარდება ქვეყნის აღმოსავლეთ ნაწილში, ტრანს-ბაიკალის რეგიონში,
ცუგოლის საწვრთნელ არეალში და 11-დან 15 სექტემბრამდე გასტანს. მინისტრმა აღნიშნული მანევრები 1981 წლის საბჭოთა კავშირის Zapad-8-ის წვრთნებსაც კი შეადარა, რომელიც ნატოსგან მომავალი საფრთხის ინსცენირებას წარმოადგენდა, თუმცა მისივე განცხადებბით Vostok-2018 თავისი მასშტაბებით უფრო დიდია.
არსებული ინფორმაციით, წვრთნებში მონაწილეობას ჩინეთის სახალხო რესპუბლიკაც მიიღებს. ამ ფაქტზე, პესკოვმა განაცხადა,
რომ ეს ადასტურებს რუსეთისა და პეკინის მჭიდრო თანამშრომლობას ყველა სფეროში. ჩინეთის მხრიდან კი ქვეყნის თავდაცვის მინისტრმა გააკეთა კომენტარი და აღნიშნა, რომ ეს უბრალოდ სამხედრო თანამშრომლობის გაძლიერება-გაღრმავებას ემსახურება და მიზნად ისახავს ორი მხარის შესაძლებლობების გაზრდას, რათა სათანადოდ და ერთობლივად გაუმკლავდენენ სხვადასხვა სამხედრო საფრთხეებს. თუმცა, ასევე დასძინა რომ ვარჯიშები არ არის მიმართული მესამე მხარის წინააღმდეგ.

ანალიტიკოს სარა რეინსფორდის თქმით, თანამედროვე რუსეთისთვის Vostok-2018-ის მასშტაბები უპრეცენდენტოა, თუმცა არც არის გასაკვირი, რამდენადაც ეს წვრთნები ცალსახად ემსახურება ვლადიმირ პუტინისა და მისი სამხედრო შესაძლებლობების დემონსტრირებას.
"პუტინი ცდილობს დასავლეთს აჩვენოს რომ სანქციების მიუხედავად ქვეყანა მაინც თავდაცვისუნარიანია", - ამბობს სარა რეინსფორდი.

ნატოს კომენტარს რაც შეეხება, იგი საკმაოდ ლაკონური იყო. ნატოს სპიკერმა, დილან უაითმა განაცხადა რომ ყველა სახელმწიფოს აქვს უფლება ჩაატაროს წვრთნები, თუმცა უმნიშვნელოვანესია რომ ყველაფერი გამჭვირვალედ მოხდეს. მან ასევე აღნიშნა რომ Vostok-2018-ის მასშტაბები რუსეთის ფართომასშტაბიანი კონფლიქტის განხორციელებისკენ მიდრეკილებას ადასტურებს.

"ამას ისიც ემატება, რომ რუსეთი მნიშვნელოვნად ზრდის თავდაცვის ბიუჯეტს და აძლიერებს სამხედრო მზადყოფნას".


მოამზადა გვანცა კაკაურიძემ



Vep 1963
01 სექტემბერი 2018 05:05
ნატომ ანკესზე წამოაგო ვოვა ეს იდიოტიც ხარჯავს და ხარჯავს მილიონებს სამხედრო პოტენციალზე აქვე კი პენსიონერებს ლუკმაპურის საშუალებას უკლებს .ჰოდა ეს რუსები რომ გაგიჟდებიან მერე უნდა ნახო ცოცხლად შეჭამენ მაგ საწყალს
პოლიტროლოგი
30 აგვისტო 2018 14:34
მსოფლიოსთვის ყველაზე დიდი საფრთხე მოდის: ამერიკიდან, რუსეთიდან, ჩინეთიდან. შედარებით ნაკლები, მაგრამ ანგარიშგასაწევი საფრთხე: ინდოეთიდან, პაკისტანიდან, ირანიდან, ჩრდილო კორეიდან და ბრაზილიიდან, ასევე დროდადრო საყურადღებოა წამოსული საფრთხის შემცველი სიგნალები: ისრაელიდან, ეგვიპტიდან, ერაყი, სირია, თურქეთი და საუდის არაბეთიდან, რაც შეეხება დასავლეთ ევროპის ქვეყნებს და კანადას, ამ შემთხვევაში საფრთხე იმის მიხედვით გაიზრდება ან შემცირდება, თუ რამდენად ჩაანაცვლებენ ლიბერალები ამ ქვეყნებში ადგილობრივ მოსახლეობას ფუნდამენტალისტ რადიკალებით და მათი სწრაფად მზარდი პოპულაციითა და ღირებულებათა სისტემით.
999
30 აგვისტო 2018 14:29
ამ კორუმპირებულებმა რაც უნდატ ის თქვან,ვი შეეკითხება რუსეთი სად და როდის ჩაატარებს სამხედრო წვრთვნებს.როცა ნატოს სამხედროები გადიოდნენ სამხედო წვრთნებს რუსეთის საზღვრების სიახლოვეს მისარები იყო? მაშინ კი გასუსულები იყვნენ

რედაქტორის რჩევით