"ტრამპმა აშშ-ს თავდაცვის მდივანს დაურეკა და ყვირილით უთხრა: ბოლოს და ბოლოს მოვკლათ ეს ასადი!"
2017 წელს მას შემდეგ, რაც ბაშარ ასადის რეჟიმმა იდლიბის პროვინციაში ქიმიური იარაღი გამოიყენა, აშშ-ს პრეზიდენტმა დონალდ ტრამპმა აშშ-ს თავდაცვის მდივანს ჯეიმს მატისს ბაშარ ასადის ლიკვიდაცია მოსთხოვა, - ამის შესახებ ნათქვამია ამერიკელი ჟურნალისტის ბობ ვუდვორდის წიგნში "შიში", რომლის ნაწყვეტს ამერიკული გაზეთი The Washington Post აქვეყნებს.
როგორც The Washington Post იუწყება, ბობ ვუდვორდის წიგნი მოწმეების ინტერვიუებს ეფუძნება.
თავის წიგნში ბობ ვუდვორდი წერს, რომ დონალდ ტრამპმა აშშ-ს თავდაცვის მდივანს ჯეიმს მატისს დაურეკა და ყვირილით უთხრა: "ბოლოს და ბოლოს მოვკლათ ეს ასადი! მოდით შევუტიოთ! ყველანი მოვკლათ!".
თავის მხრივ, ჯეიმს მატისმა დონალდ ტრამპს უპასუხა, რომ აშშ-ს პასუხი გააზრებული უნდა იყოს.
20017 წლის აპრილში ქალაქ ჰან-შეიჰუნში ქიმიური თავდასხმის შედეგად 80 ადამიანი დაიღუპა. საპასუხოდ აშშ-მ საჰაერო დარტყმები განახორციელა სირიაში სამთავრობო ძალების პოზიციაზე.
"ინტერპრესნიუსი"