"მე მკაცრი ვიყავი, თუმცა არც ის მითმობდა, შემდეგ კი ერთმანეთი შეგვიყვარდა, მან ლამაზი წერილები მომწერა" - კვირის პალიტრა

"მე მკაცრი ვიყავი, თუმცა არც ის მითმობდა, შემდეგ კი ერთმანეთი შეგვიყვარდა, მან ლამაზი წერილები მომწერა"

აშშ-ის პრეზიდენტმა დონალდ ტრამპმა განაცხადა, რომ სინგაპურში გამართული მოლპარაკებების დროს მას და ჩრდილოეთ კორეის ლიდერ კიმ ჩენ ინს "ერთმანეთი შეუყვარდათ".

"მე მომწონს ის და მასაც მოვწონვარ. მგონი, ეს კარგია და მე მაქვს ამის თქმის უფლება. მე მკაცრი ვიყავი, თუმცა არც ის მითმობდა. ასე ვტრიალებდით წრეზე. შემდეგ კი ერთმანეთი შეგვიყვარდა. მან ლამაზი წერილები მომწერა", - განაცხადა ტრამპმა დასავლეთ ვირჯინიის შტატში სიტყვით გამოსვლისას.

მან ასევე აღნიშნა, რომ ბარაკ ობამას და აშშ-ს სხვა პრეზიდენტების ადმინისტრაციების ზარებს ჩრდილოეთ კორეა არც კი პასუხობდა.

"ინტერპრესნიუსი"