"ერთადერთი მიზეზი, რის გამოც თურქეთს ევროკავშირში არ იღებენ ის არის, რომ ჩვენ მუსლიმური ქვეყანა ვართ" - კვირის პალიტრა

ევროკავშირი თურქეთს თავის შემადგენლობაში არ იღებს მხოლოდ იმის გამო, რომ თურქეთი მუსლიმური ქვეყანაა. ამის შესახებ თურქეთის პრეზიდენტმა რეჯეფ თაიფ ერდოღანმა ტელეარხ А Haber-სთვის მიცემულ ინტერვიუში განაცხადა.

„ერთადერთი მიზეზი, რის გამოც თურქეთს ევროკავშირში არ იღებენ ის არის, რომ ჩვენ მუსლიმური ქვეყანა ვართ. მაშინ ღიად თქვან ეს“, - განაცხადა თურქეთის ლიდერმა.

შეგახსენებთ, რომ 3 თებერვალს, საფრანგეთის მინისტრმა ევროპულ საკითხებში ნატალი ლუაზომ განაცხადა, რომ პარიზი არ ხედავს იმის შესაძლებლობას, რომ ევროკავშირში გაწევრიანების შესახებ თურქეთთან მოლაპარაკებების განახლება მოხდეს, ვიდრე თურქეთი დემოკრატიულ და პროევროპულ არჩევანს არ გააკეთებს.

"ინტერპრესნიუსი"