სერბეთის საპატრიარქოში ცეცხლსასროლი იარაღით შეიარაღებული მამაკაცი შეიჭრა - კვირის პალიტრა

სერბეთის საპატრიარქოში ცეცხლსასროლი იარაღით შეიარაღებული მამაკაცი შეიჭრა

ბელგრადში, სერბეთის საპატრიარქოში ცეცხლსასროლი იარაღით შეიარაღებული მამაკაცი შეიჭრა, ორი თანამშრომელი მძევლად აიყვანა და 200 ათასი ევრო მოითხოვა. ამის შესახებ ადგილობრივი მედია იუწყება.

მათივე ინფორმაციით, ეკლესიის ყოფილი მსახური, 42 წლის მამაკაცი საპატრიარქოს ბუღალტერიაში მძევლად აყვანილი ორი თანამშრომლისგან თანხას ითხოვდა.

ოთახი, სადაც დამნაშავე შეიჭრა, ქვეყნის პატრიარქის მისაღებთან ახლოს მდებარეობს.

პოლიციის სპეცდანიშნულების რაზმმა საპატრიარქოს შენობა ალყაში მოაქცია და შეიარაღებულ პირთან მოლაპარაკება დაიწყო, რის შემდეგაც ის დააკავეს. ოპერაციის დროს არავინ დაშავებულა.

"ინტერპრესნიუსი"