უკრაინაში, სასტუმროში გაჩენილ ხანძარს 8 ადამიანი ემსხვერპლა - კვირის პალიტრა

უკრაინაში, სასტუმროში გაჩენილ ხანძარს 8 ადამიანი ემსხვერპლა

უკრაინაში, ოდესაში მდებარე სასტუმროში ხანძარს 8 ადამიანის სიცოცხლე ემსხვერპლა, - ამის შესახებ „როიტერსი“ უკრაინის საგანგებო სიტუაციების სამსახურზე დაყრდნობით იუწყება.

სააგენტოს ინფორმაციით, ხანძრის შედეგად 10 ადამიანია დაშავებული. საგანგებო სიტუაციების სამსახური ჯერ-ჯერობით ხანძრის გამომწვევ მიზეზებზე არ საუბრობს.

უცნობია ისიც, თუ სულ რამდენი ადამიანი იმყოფებოდა ინციდენტის დროს 273 ნომრიან სასტუმრო „ტოკიოში“.

მეხანძრეებს ხანძრის ჩასაქრობად 3 საათი დასჭირდათ.