"ჩვენ ვიმოქმედეთ, რომ ომი შეჩერებულიყო და არა იმისთვის, რომ დაწყებულიყო" - კვირის პალიტრა

"ჩვენ ვიმოქმედეთ, რომ ომი შეჩერებულიყო და არა იმისთვის, რომ დაწყებულიყო"

ამერიკის შეერთებული შტატების პრეზიდენტის, დონალდ ტრამპის თქმით, ქასემ სულეიმანის ლიკვიდაცია იმის გამო მოხდა, რომ ირანთან "ომი შეჩერებულიყო" და არა დაწყებულიყო. მისივე თქმით, მას არ სურს ომი.

"ჩვენ ვიმოქმედეთ, რომ ომი შეჩერებულიყო და არა იმისთვის, რომ დაწყებულიყო. სულეიმანმა თავისი ავადმყოფური მისწრაფებებით ტერორის სცენარი შეიმუშავა ისეთი რეგიონებისთვისაც კი როგორიცაა ახალი დელი და ლონდონი. მისი ტერორით მმართველობა დასრულდა. ის აპირებდა დარტყმა განეხორცეილებინა ამერიკელ დიპლომატებზე და თანამშრომლებზე, მაგრამ ჩვენ ის ამ პროცესის დროს შევაჩერეთ",-განაცხადა დონალდ ტრამპმა.

შეგახსენებთ, რომ ორი დღის წინ, ერაყის დედაქალაქში, პენტაგონის მიერ აეროპორტში განხორციელებული დრონით შეტევის დროს, სხვა სამხედრო მაღალჩინოსნებთან ერთად ირანის ე.წ. ჩრდილოვანი გენერალი, ქვეყნის ხელისუფლების ერთ-ერთი უმაღლესი პირი, ქასემ სულეიმანი დაიღუპა.

"ინტერპრესნიუსი"