"ირანის მიერ 8 იანვარს განხორციელებული სარაკეტო თავდასხმის შედეგად 11 ამერიკელი ჯარისკაცი დაშავდა"
"ირანის მიერ 8 იანვარს განხორციელებული სარაკეტო თავდასხმის შედეგად 11 ამერიკელი ჯარისკაცი დაშავდა"
ირანის მიერ ერაყის საავიაციო ბაზა ალ-ასადზე 8 იანვარს განხორციელებული სარაკეტო თავდასხმის შედეგად 11 ამერიკელი ჯარისკაცი დაშავდა და მათი სამედიცინო ევაკუირება ქუვეითისა და გერმანიაში განხორციელდა, - ამის შესახებ ინფორმაციას Defense One-ი ავრცელებს.

გამოცემის ცნობით, დაშავებული სამხედროები კონტუზიის სიმპტომებით ქუვეითისა და გერმანიაში მდებარე აშშ-ის საავადმყოფოებში გადაიყვანეს.

Defense One-ის ინფორმაციით, ბაღდადში განლაგებული აშშ-ის სამხედრო ძალების მეთაურის პრესსპიკერმა მაილს კაგინგსმა გუშინ განცხადება გაავრცელა, სადაც აღნიშნულია, რომ სიფრთხილის ზომებიდან გამომდინარე, რამდენიმე ჯარისკაცი სკრინინგის ჩასატარებლად ალ-ასადის
ბაზიდან გერმანიასა და ქუვეითში გადაიყვანეს. მისი განმარტებით, როგორც კი სკრინინგის შედეგად გაირკვევა, რომ ჯარიკაცები "მოვალეობის შესასრულებლად ვარგისები არიან," მათ ბაზაზე დააბრუნებენ.

Defense One-ის ცნობით, კიდევ ერთი ამერიკელი მაღალჩინოსანი აცხადებს, რომ სტანდარტული პროცედურის ფარგლებში, ალ-ასადის ბაზიდან ქუვეითსა და გერმანიის საავადმყოფოებში 11 სამხედრო მოსამსახურე გადაიყვანეს, სადაც მათ
თავის ტვინის სკრინინგი უტარდებათ.

შეგახსენებთ, პენტაგონი და თეთრი სახლი აცხადებენ, რომ 8 იანვრის სარაკეტო თავდასხმის შედეგად არცერთი სამხედრო დაღუპულა ან დაშავებულა.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
ბოლო ერთი წლის განმავლობაში როგორ შეიცვალა თქვენი ოჯახის ეკონომიკური მდგომარეობა?
თქვენი აზრი მნიშვნელოვანია!
ბოლო ერთი წლის განმავლობაში როგორ შეიცვალა თქვენი ოჯახის ეკონომიკური მდგომარეობა?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები