"ქალაქი ყუმი საშინელ მდგომარეობაშია, იქ ყოველდღე ათამდე ადამიანი კვდება" - რა ვითარებაა ირანში კორონავირუსის გამო
"ქალაქი ყუმი საშინელ მდგომარეობაშია, იქ ყოველდღე ათამდე ადამიანი კვდება" - რა ვითარებაა ირანში კორონავირუსის გამო
ირანის ქალაქ ყუმში კორონავირუსით სულ მცირე 50 ადამიანია დაღუპული, - ამის შესახებ ინფორმაციას ირანული სააგენტო ILNA ქვეყნის დეპუტატზე დაყრდნობით ავრცელებს.

„ესოშიეთიდ პრესის“ ცნობით, დეპუტატმა ახმად ამირაბად ფარახანიმ, არსებულ მდგომარეობაზე პასუხისმგებლობა ჯანდაცვის სამინისტროს დააკისრა.

„ყუმი საშინელ მდგომარეობაშია. იქ ყოველ დღე დაახლოებით 10 ადამიანი კვდება. მთავრობა ვერ აკონტროლებს კორონავირუსის გავრცელებას. სწორია, რომ სიმშვიდე უნდა შევნარჩუნოთ, მაგრამ ეს იმას არ ნიშნავს, რომ ისე მოვიქცეთ თითქოს არაფერი მომხდარა. კორონავირუსი ყუმში სამი კვირის წინ გაჩნდა,
მაგრამ ამის შესახებ საკმაოდ გვიან განაცხადეს“, - აღნიშნა დეპუტატმა.

მისივე თქმით, ჯერ კიდევ ამ დრომდე, სამედიცინო პერსონალს რეგიონში სათანადო ეკიპირება არ მიუღია და ისე უწევთ პაციენტების მკურნალობა.

მედიაში გავრცელებულ ინფორმაციას კატეგორიულად უარყოფს ირანის ჯანდაცვის სამინისტრო. მათი თქმით, ქვეყანაში კორონავირუსით 12 ადამიანი დაიღუპა.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
როგორ აფასებთ მთავრობის გადაწყვეტილებას, მოსახლეობის ნაწილისთვის კომუნალური გადასახადების 3 თვით დაფინანსების შესახებ?
თქვენი აზრი მნიშვნელოვანია!
როგორ აფასებთ მთავრობის გადაწყვეტილებას, მოსახლეობის ნაწილისთვის კომუნალური გადასახადების 3 თვით დაფინანსების შესახებ?
დღის კითხვადი სტატიები