ნატო-ს შტაბ-ბინაში კორონავირუსის შემთხვევა დადასტურდა
ჩრდილო-ატლანტიკური ალიანსის ბრიუსელის ოფისის ერთ-ერთ თანამშრომელს კორონავირუსი დაუდასტურდა. ინფორმაცია ორგანიზაციის ვებ-გვერდზე გამოქვეყნდა. პირი, რომლის ანალიზიც ვირუსზე დადებითი იყო, იტალიიდან ბრიუსელში გასულ კვირას დაბრუნდა.
"პასუხის მიღებიდან რამდენიმე წუთში, ინფორმაცია კოლეგებს ეცნობათ. გასული კვირის ბოლოდან ისინი სახლიდან მუშაობენ და ასე განაგრძობენ. ნატო-ს შტაბბინის თანამშრომლები ინფორმირებულნი არიან. ნატო განაგრძობს დაკვირვებას მდგომარეობაზე და მოვლენების განვითარების პარალელურად მიიღებს აუცილებელ ზომებს",-წერია განცხადებაში.
"ინტერპრესნიუსი"