"თუ დაღუპულთა რაოდენობა 100 000-ს არ გადააჭარბებს, იმას ნიშნავს, რომ მაგრად ვიმუშავეთ" - კვირის პალიტრა

"თუ დაღუპულთა რაოდენობა 100 000-ს არ გადააჭარბებს, იმას ნიშნავს, რომ მაგრად ვიმუშავეთ"

აშშ-ის პრეზიდენტის, დონალდ ტრამპის თქმით, თუ კორონავირუსით გარდაცვლილთა რაოდენობა 100 000-ზე მეტი არ იქნება, ეს იმას ნიშნავს, რომ მისმა ადმინისტრაციამ "მაგრად იმუშავა".

"სავარაუდო გათვლებით, გარდაცვალების პიკი ორ კვირაში იქნება. იმაზე უარესი არაფერია ვიდრე გამოაცხადო გამარჯვება მანამ სანამ მართლა გაიმარჯვებ. ეს ყველაზე დიდი დამარცხება იქნება",-განაცხადა ტრამპმა.

ამასთან, პრეზიდენტმა მედია კიდევ ერთხელ გააკრიტიკა. "ცოტა უფრო პოზიტიურად რატომ არ იქცევით? ყოველთვის იქცევით ასე, გამოგიჭირეთ, გამოგიჭირეთ, გამოგიჭირეთ. იცით რა? ამიტომ არის, რომ აღარავინ ენდობა მედიას უკვე",-განაცხადა ტრამპმა.

"ინტერპრესნიუსი"