ევროპარლამენტი საკუთარი შენობის ნაწილს უსახლკაროებს უთმობს - კვირის პალიტრა

ევროპარლამენტი საკუთარი შენობის ნაწილს უსახლკაროებს უთმობს. ამასთან, შენობის სამზარეულოში ყოველ დღე 1 000-მდე ულუფა საკვებს მოამზადებენ, რომლითაც გაჭირვებულ ადამიანებსა და ჯანდაცვის სფეროს მუშაკებს გამოკვებავენ. ამის შესახებ ევროპარლამენტის პრეზიდენტმა დავიდ სასოლიმ ვიდეომიმართვისას განაცხადა.

"კონკრეტული თანადგომა მოქალაქეების მიმართ - ეს ევროპარლამენტის მიმართულებაა. ბრიუსელთან შეთანხმებით, ჩვენ გადავწყვიტეთ, რომ ამ საგანგებო მდგომარეობის პირობებში, ჩვენი შენობის ნაწილი უსახლკარო ადამიანებისთვის და საზოგადოების ყველაზე მოწყვლადი ნაწილისთვის გავხადოთ ხელმისაწვდომი. გარდა ამისა, ჩვენ სამზარეულოში ყოველ დღე 1000-ზე მეტი ულუფა საკვები მომზადდება, რომელსაც გაჭირვებაში მყოფ ადამიანებს, ასევე ჯანდაცვის სფეროს თანამშრომლებს მივაწვდით, რათა საქმის კეთებაში დავეხმაროთ. ევროპის სიძლიერე სოლიდარული მოქმედებების უნარშია", - აცხადებს დავიდ სასოლი.

"ინტერპრესნიუსი"