რუსეთის ჯარში კორონავირუსის 900-მდე შემთხვევაა დადასტურებული
რუსეთის შეიარაღებულ ძალებში კორონავირუსის 900-მდე შემთხვევაა დადასტურებული, - ამის შესახებ რუსული მედია ქვეყნის თავდაცვის სამინისტროზე დაყდნობით იუწყება.
"მარტიდან 26 აპრილამდე პერიოდში რუსეთის შეიარაღებულ ძალებში ჩატარებულმა ტესტირებამ 874 დადებითი შედეგი აჩვენა,"- ნათქვამია სამინისტროს მიერ გავრცელებულ განცხადებაში.
მათივე ინფორმაციით, ოთხი ჯარისკაცის ჯანმრთელობის მდგომარეობა მძიმეა და ერთ-ერთი მათგანი ხელოვნური სუნთქვის აპარატზეა შეერთებული.
გარდა ამისა, კორონავირუსი დაუდასტურდა რუსეთის შეიარაღებულ ძალებში დასაქმებულ 245 სამოქალაქო პირსა და ქვეყნის სამხედრო სასწავლებლების 779 სტუდენტს.
შეგახსენებთ, რუსეთში კორონავირუსით დაინფიცირებულთა რაოდენობამ 81 000-ს მიაღწია, გარდაცვლილია 747 ადამიანი.
"ინტერპრესნიუსი"