"კორონავირუსის გამოვლენილი შემთხვევების რაოდენობით სომხეთმა საფრანგეთსა და ირანს გაუსწრო" - რას აცხადებს ფაშინიანი? - კვირის პალიტრა

"კორონავირუსის გამოვლენილი შემთხვევების რაოდენობით სომხეთმა საფრანგეთსა და ირანს გაუსწრო" - რას აცხადებს ფაშინიანი?

კორონავირუსის გამოვლენილი შემთხვევების რაოდენობით ერთ მილიონ მოსახლეზე, სომხეთმა საფრანგეთსა და ირანს გაუსწრო. ამის შესახებ დღეს ქვეყნის პრემიერ-მინისტრმა ნიკოლ ფაშინიანმა განაცხადა.

"კორონავირუსის გამოვლენილი შემთხვევების მაჩვენებლით 1 მილიონ მოსახლეზე ჩვენ გადავუსწარით საფრანგეთსა და ირანს და არსებითად, გავუთანაბრდით რუსეთს", - განაცხადა ფაშინიანმა ბრიფინგზე.

მისი თქმით, ასეთი ტემპებით სომხეთმა, შესაძლოა, იტალიასაც გადაუსწროს.

პრემიერის თქმით, ასეთი ვითარება გამოიწვია ეპიდემიის საწინააღმდეგო წესების დაუცველობამ და ამ წესებისადმი მოსახლეობის არასერიოზულმა დამოკიდებულებამ.

ფაშინიანმა სომხეთის მოსახლეობას მოუწოდა, დაიცვან პირბადეების რეჟიმი, სოციალური დისტანცირება და ჰიგიენის წესები.

"ინტერპრესნიუსი"