"ზოგიერთი ანალიზი აჩვენებს, რომ ჩვენს ქვეყანაში, ამ დროისთვის, 100 000-ზე მეტი დაინფიცირებულია" - რას აცხადებს ნიკოლ ფაშინიანი
სომხეთის პრემიერ-მინისტრი ნიკოლ ფაშინიანი მიიჩნევს, რომ სომხეთში ახალი კორონავირუსით დაინფიცირებულთა რაოდენობა 100 ათასს აჭარბებს.
"ზოგიერთი ანალიზი აჩვენებს, რომ ჩვენ ქვეყანაში, ამ დროისთვის, 100 000-ზე მეტი დაინფიცირებულია. ასეთ დასკვნამდე მივდივართ ლეტალური შემთხვევების პროექციისა და გამოვლენილ დაინფიცირებულთა რიცხვის გათვალისწინებით"- წერს "ფეისბუკის" პირად გვერდზე ფაშინიანი.
ქვეყნის ჯანდაცვის მონაცემებით, დაინფიცირებულთა რაოდენობა სომხეთში ბოლო დღე-ღამის განმავლობაში, 766-ით გაიზარდა, რაც რეკორდულად მაღალი მაჩვენებელია ქვეყანაში პანდემიის პირველი დღიდან. მთლიანობაში დაინფიცირებულია 13 130 ადამიანი.
გუშინ პრემიერ-მინისტრმა განაცხადა, რომ ქვეყნის ჯანდაცვის სისტემა გადატვირთულია და 200 პაციენტის ჰოსპიტალიზება შეუძლებელია საავადმყოფოებში ადგილების არ არსებობის გამო.
"ინტერპესნიუსი"