"გახდება თუ არა ნიკოლ ფაშინიანი მეორე მიხეილ სააკაშვილი?" - რას წერს სომხური გამოცემა?
"გახდება თუ არა ნიკოლ ფაშინიანი მეორე მიხეილ სააკაშვილი?" - რას წერს სომხური გამოცემა?
სომხურ პოპულარულ გამოცემა "7 დღე"-ში ("7 օր") გამოქვეყნებულია სტატია სათაურით "გახდება თუ არა ნიკოლ ფაშინიანი "სომეხი" მიხეილ სააკაშვილი?", რომელშიც ერთმანეთთან არის შედარებული საქართველოს ექს-პრეზიდენტი და სომხეთის ამჟამინდელი პრემიერ-მინისტრი (ავტორი - პეტროს ალექსანიანი).

გთავაზობთ სტატიას შემოკლებით:

"ამ კითხვაზე ახლავე შეიძლება პასუხის გაცემა: არა, არ გახდება. არ გახდება არა იმიტომ, რომ მას არ სურს, არამედ იმიტომ, რომ მას ეს არ შეუძლია. ეროვნული უსაფრთხოების თვალსაზრისით, ნიკოლ ფაშინიანს შეუძლია გაიმეოროს და აჯობოს კიდეც მიხეილ
სააკაშვილს, რომელმაც, თავისი ანტირუსული პოზიციის გამო, ტერიტორიები დაკარგა, მაგრამ ნიკოლი მიხეილი მაინც ვერ გახდება. სააკაშვილს ფული მისცეს და გამოიყენეს, ნიკოლს კი უფულოდაც იყენებენ. ალბათ, დამეთანხმებით, რომ განსხვავება დიდია.
სოროსული და თურქული წრეები ნიკოლ ფაშინიანში სააკაშვილს ხედავენ, მაგრამ საქართველოს პრეზიდენტისაგან განსხვავებით, რომელმაც თავისი მმართველობის წლებში დასავლეთისაგან 4,5
მილიარდიანი პირდაპირი მხარდაჭერა მიიღო, ფულს ნიკოლ ფაშინიანს არ აძლევენ და არც მისცემენ.

მიხეილ სააკაშვილის გაპრეზიდენტება გეოპოლიტიკურ პროექტს წარმოადგენდა, რომლის რეალიზებისათვის განსაზღვრული საზოგადოებრივი საყრდენი არსებობდა ანტირუსულობის სახით. სომხეთში ანტირუსულობის გამოვლენას ძალიან ხელოვნური ხასიათი და კომერციული მიმართულება აქვს, ანუ "გრანტისმჭამელები" ფულს ვლადიმერ პუტინის კრიტიკით გამოიმუშავებენ.

მაგრამ ანტირუსულობის მიმდევრები და მქადაგებლები ვერ ხვდებიან იმას, რომ მათი მოქმედებით რეგიონში თურქეთის როლი ძლიერდება, თურქული სამყაროს დომინირება ხდება. ნატოც კი სამხრეთ კავკასიაში მხოლოდ თურქეთის მეშვეობით მოქმედებს. დააკვირდით საქართველოს მაგალითს: შესუსტდა რუსეთის გავლენა და მის ნაცვლად გაძლიერდა თურქული სამყაროს (თურქეთის და აზერბაიჯანის) გავლენა.

ნიკოლ ფაშინიანი, ალბათ, კარგი შინგამოზრდილი მიხეილ სააკაშვილი იქნებოდა, მაგრამ მას არ შეუძლია, თუმცა ცდილობს.

ნიკოლ ფაშინიანი ვერ გახდება მიხეილ სააკაშვილი, რადგან მას მშვენივრად ესმის, რომ მსგავსი ტრანსფორმაცია მისსავე სავარძელს ზიანს მიაყენებს, მაგრამ იმავდროულად პრემიერ-მინისტრი, მისი საგარეო მეწილეების კარნახით, ანტირუსულ ნაბიჯებს დგამს.

ნიკოლ ფაშინიანი უფრო "ჩინელი" მიხეილ სააკაშვილია. იგი მისი იაფფასიანი ასლია, რომელიც ორიგინალისაგან შორს დგას.
ყველასათვის ცნობილია, თუ რით დასრულდა მიხეილ სააკაშვილის პრეზიდენტობა და ანტირუსულობა. ძნელად გამოსაცნობი არც ის არ არის, თუ რითი დასრულდება ნიკოლ ფაშინიანის პრემიერ-მინისტრობა და რა დაუჯდება სომხეთს მისი სააკაშვილიზმი.

განა ეს უნდოდათ სომხეთის მოქალაქეებს, როცა ხმის ჩახლეჩამდე გაჰყვიროდნენ - "ნიკოლი პრემიერად!"?", - ნათქვამია სტატიაში. (წყარო)


მოამზადა სიმონ კილაძემ

ალექს
03 ივლისი 2020 18:37
"როდის ავირჩიეთ რომ პრეზიდენტად?! პირველად გადატრიალებით მოვიდა,მეორედ კი არჩევნების არნახული გაყალბებით! თვითონ არც ერთი არჩევნები არ მოუგია-საკრებულოს თავმჯდომარეობა შალიკომ მიყიდა,ვაკის მაჟორიტარობა შევარდნაძემ უყიდა! "ეს კომენტარი ბრჭყალებში იმიტომაა, რომ მოვიპარე, ვაღიარებ ,იმდენად მომეწონა !
დვალთელი
03 ივლისი 2020 17:31
რა შორებლები არინ თუ?
მმმ
03 ივლისი 2020 16:22
ფაშინიანი სააკაშვილი ვერ გახდება იმიტომ, რომ ივანიშვილისთანა სპონსორი არა ყავს. რომ არა ივანიშვილის ფულები მიშა იმის ნახევარსაც ვერ გააკეთა რაც არის.

რუბრიკის სხვა სიახლეები
როგორ აფასებთ მთავრობის გადაწყვეტილებას, 17 წლის ჩათვლით ყველა ბავშვისთვის 200-ლარიანი ერთჯერადი დახმარების შესახებ?
თქვენი აზრი მნიშვნელოვანია!
როგორ აფასებთ მთავრობის გადაწყვეტილებას, 17 წლის ჩათვლით ყველა ბავშვისთვის 200-ლარიანი ერთჯერადი დახმარების შესახებ?
დღის კითხვადი სტატიები
თვის კითხვადი სტატიები