"საქართველო აგრძელებს ანტიკორუფციულ რეფორმებს, რადგან ქვეყანაში კორუფციის მაღალი დონე შეინიშნება" - რა წერია ევროპარლამენტისა და ევროსაბჭოს მოხსენებაში
"საქართველო აგრძელებს ანტიკორუფციულ რეფორმებს, რადგან ქვეყანაში კორუფციის მაღალი დონე შეინიშნება" - რა წერია ევროპარლამენტისა და ევროსაბჭოს მოხსენებაში
საქართველო აგრძელებს ანტიკორუფციულ რეფორმებს, რადგან ქვეყანაში კორუფციის მაღალი დონე შეინიშნება , - ამის შესახებ მიგრაციასთან დაკავშირებით ევროპარლამენტისა და ევროსაბჭოს მოხსენებაშია ნათქვამი.

ამასთან, მოხსენებაში აღნიშნულია, რომ საქართველოს ხელისუფლება ევროკავშირთან ერთად ცდილობს აღკვეთოს შენგენის ზონის ქვეყნებში საკუთარი მოქალაქეების უკანონო გადაადგილება და დარჩენა.

„ქვეყანა ცდილობს თავი გაართვას ამ გამოწვევას“,- აღნიშნულია მოხსენებაში.

ევროპარლამენტისა და ევროსაბჭოს მოხსენების მიხედვით, 2019 წელს ევროკავშირში უკანონოდ შესვლა საქართველოს 328 მოქალაქემ სცადა, მაშინ როდესაც 2018 წელს მსგავსი 189 შემთხვევა დაფიქსირდა.
ამასთან, 2019 წელს ევროკავშირში კანონის დარღვევით საქართველოს 11 845 მოქალაქე დარჩა, რაც 26%-ით მეტია წინა წლის მონაცემებზე.

რაც შეეხება თავშესაფრის მოთხოვნას, 2019 წელს განცხადება საქართველოს 21 570-მა მოქალაქემ შეავსო, მაშინ როდესაც 2018 წელს აპლიკანტების რიცხვი 19 730-ს შეადგენდა.

მოხსენების მიხედვით, საქართველო აქტიურად თანამშრომლობს ინტერპოლთან, რათა
საერთაშორისო დამნაშავეების კრიმინალური საქმიანობა აღიკვეთოს.

ამასთან კვლევაში ნახსენებია, რომ კორონავირუსთან ბრძოლის ფარგლებში, საქართველო ევროკავშირისგან დახმარების სახით 183 მილიონ ევროს მიიღებს.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
როგორ აფასებთ მთავრობის გადაწყვეტილებას, 17 წლის ჩათვლით ყველა ბავშვისთვის 200-ლარიანი ერთჯერადი დახმარების შესახებ?
თქვენი აზრი მნიშვნელოვანია!
როგორ აფასებთ მთავრობის გადაწყვეტილებას, 17 წლის ჩათვლით ყველა ბავშვისთვის 200-ლარიანი ერთჯერადი დახმარების შესახებ?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები