"პუტინი - მსოფლიოს მხსნელი?" - რას წერს "რუსულ ვაქცინაზე" და რა ფოტოს აქვეყნებს ფრანგული გამოცემა?
"პუტინი - მსოფლიოს მხსნელი?" - რას წერს "რუსულ ვაქცინაზე" და რა ფოტოს აქვეყნებს ფრანგული გამოცემა?
ფრანგულმა გაზეთმა "Liberation"-მა 12 აგვისტოს ნომრის გარეკანზე რუსეთის პრეზიდენტის გამოსახულება გამოაქვეყნა - სუპერაგენტ ჯეიმს ბონდის კოსტიუმით. თანაც პისტოლეტის ნაცვლად მას ხელში უჭირავს შპრიცი რუსული ვაქცინით კორონავირუსის წინააღმდეგ. სტატიის სათაური ასე ითარგმნება: "ხვალ არასოდეს მოკვდება" - ჯეიმს ბონდის შესახებ ერთ-ერთი ფილმის მიხედვით.

გაზეთის პირველ ოთხ გვერდზე გამოქვეყნებულია საფრანგეთში "კოვიდ-19"-თან დაკავშირებით არსებული სიტუაციის შესახებ მასალები, აგრეთვე რუსეთში შექმნილი ვაქცინის შესახებ.

რატომ "სპუტნიკ-V"?

როგორც ცნობილია, ამ დღეებში რუსეთმა განახორციელა მსოფლიოში პირველი ანტიკოვიდური ვაქცინის
რეგისტრაცია, სახელწოდებით "სპუტნიკ-V". როგორც რუსეთის ჯანდაცვის სამინისტრო აცხადებს, პრეპარატმა შემოწმება გაიარა და ადამიანებში მდგრად იმუნიტეტს აყალიბებს.

რამდენიმე ქვეყანამ გულგრილად აღიქვა ეს ამბავი, ზოგიერთმა მეცნიერმა და სამედიცინო კვლევითმა ორგანიზაციებმა ვაქცინის სწრაფი რეგისტრირება გააკრიტიკეს. რუსეთის ჯანდაცვის მინისტრმა მიხეილ მურაშკომ კრიტიკული გამონათქვამები უსაფუძვლოდ მიიჩნია და ივარაუდა, რომ საქმე
კონკურენციას ეხება. მისი თქმით, ვაქცინის შესაქმნელად ფორსირებული (დაჩქარებული) რეჟიმი ბევრმა ქვეყანამ გამოიყენა, მაგრამ რუსული ვაქცინა დიდი ხნის კლინიკური ცოდნისა და მონაცემების შედეგს წარმოადგენს.

პუბლიკაციის ავტორები განმარტავენ, რომ ვაქცინამ სახელწოდება მიიღო დედამიწის ხელოვნური თანამგზავრის (რუს. "Спутник") საპატივსაცემოდ, "რომლის გაშვებამ 1957 წლის ოქტომბერში მთელი მსოფლიო გააკვირვა და ამერიკელებს კოსმოსურ რბოლაში გადაუსწრო".

"ის სიჩქარე, რომლითაც რუსეთის პრეზიდენტმა ვაქცინის შექმნის თაობაზე განაცხადა, გასაკვირია. რას ნიშნავს ეს? ჯანდაცვის მსოფლიო ორგანიზაციამ ვაქცინის შექმნის ფაქტზე ძალიან ფრთხილი რეაგირება გააკეთა. არის ეჭვი, რომ სერიოზული კლინიკური გამოკვლევები არ ჩატარებულა", - აღნიშნულია სტატიაში.

"პუტინის სახიფათო პოლიტიკური განცხადება"
"ლიბერასიონ"-მა ასევე დაბეჭდა შვეიცარიელი ექსპერტ-გენეტიკოსის ფრანსუა ბალის სტატიაც, რომელიც ვლადიმერ პუტინის განცხადებას რუსული ვაქცინის შექმნის შესახებ "სახიფათოდ" თვლის და მას "პოლიტიკურ გადაწყვეტილებად" მიიჩნევს, რომელიც ანტიკოვიდური პრეპარატის შექმნაში მძაფრი საერთაშორისო შეჯიბრით (კონკურენციით) არის განპირობებეული. შვეიცარიელი მკვლევარი რუსეთს იმაში საყვედურობს, რომ მოსკოვმა უარი თქვა ამგვარ სიტუაციებში აუცილებელ ატრიბუტზე, მაგალითად, სამედიცინო კონსენსუსზე. "რუსეთმა უგულვებელყო საერთაშორისო სტანდარტები და ეს იმიტომ, რომ სურს ცხვირში წკიპურტი გაჰკრას დასავლურ დემოკრატებს, ამერიკელებით დაწყებული", - წერს ფრანსუა ბალი.
ფრანგული გამოცემის გარეკანი
"ვლადიმერ პუტინი - მსოფლიოს მხსნელი?"
ამ სათაურით "ლიბერსიონ"-ში გამოქვეყნებულია სარედაქციო სტატია, რომელიც ასევე რუსულ ვაქცინას და პრეზიდენტ ვლადიმერ პუტინს ეძღვნება.

"პუტინი - მსოფლიოს მხსნელი? დღეისათვის რუსეთის პრეზიდენტი ერთადერთი ადამიანია, რომელიც დარწმუნებულია, რომ მისი ქვეყნის ლაბორატორიაში სასწაულებრივი ვაქცინა შექმნეს "კოვიდ-19"-ის წინააღმდეგ. როგორც ჩანს, კრემლის ბინადარს სამეცნიერო საზოგადოების სკეპტიციზმი არ ადარდებს: რა საჭიროა ყურადღება მიაქციოს ექსპერტების თვალსაზრისებს, როცა შეიძლება მთელ პლანეტაზე ყველას გაუსწრო და უპირველესი გახდე?", - წერს სარედაქციო სტატიის ავტორი, - აშკარაა, რომ პუტინს სურს პირველმა მონიშნოს თავისი დროშით ხელუხლებელი ტერიტორია ვაქცინის გამოსაყენებლად და მსოფლიოს მხსნელის სახელი დაიმკვიდროს". (წყარო)

მოამზადა სიმონ კილაძემ

მკითხველის კომენტარი (13)
?
15 აგვისტო 2020 11:14
რუსეთი ყუმების და მონური აზროვნების გვეყანაა ამიტომ წყალი რომ დაალევინო და უთხრა სპირტიაო თავს დაგიქნევს.ჩვენს რუსეთუმებს რა სჯით ასე თავგამოდებით რომ იცავენ" ვაქცინას" და აფერისტ პუტინს?
ნოდარი
14 აგვისტო 2020 11:18
ასე თუ გააგრძელა საფრანგეთმა, ეიფელის კოშკზე რუსული დროშა აფრიალდება.
რეზო
14 აგვისტო 2020 00:46
რა ვაქცინა, კალკულატორისაც კი ვერ ამზადებს რუსეთი. თითონ გაიკეთონ!
antibneleti
14 აგვისტო 2020 00:14
თუ ეს სიმართლეა, მაშინ კიდევ უფრო მყარდება ეჭვი, რომ ეს ვირუსი სწორედ რუსეთში შეიქმნა და თანვე შექმნეს მისი ანტივირუსიც! რაშიც დასჭირდათ ეს ყოველივე, ოდნავ საღადმოაზროვნე ადამიანი ადვილად მიხვდება.
qeti
13 აგვისტო 2020 23:21
ამბობენ იგივე დასავლეთში რომ ეგ ვაქცინა პუტინმა და მისმა შვილმა გაიკეთაო და ამით ყველაფერია ნათქვამი. ესე იგი სანდოა და ამას თვით ევროპა-ამერიკა ამტკიცებს პუტინის და მისი შვილის აცრილობასთან დაკავშირებით გამოცემული სტატიებით . მარა მერე კონკურენციის გამო გამწარდნენ და ამბობენ და წერენ იმას რასაც ამბობენ და წერენ.
აკაკი
13 აგვისტო 2020 23:16
ეს ვაქცინა ტავიდან იწვევს სიცხეს მაგრამ რამოდენიმე საათში ყველაფერი ნორმაშია. სხვა ყვექნის ვაქცინებიც ზუსტად ეგეთი იქნება და ციტა ხნით ტემპერატურის მატებას გამოიწვევენ ამას ამბობს მთელი მედია დასავლეთის. ასე რომ ეს კონკურენჯცია, ჯინაზე წამოძახილი განცხადებებია დასავლეთის მხრიდან.
status quo
13 აგვისტო 2020 22:53
როდის გასკდება ეს რუსული ტყუილის ბუშტი? რუსებს ნდობა დაკარგული აქვთ.მე არ გავიკეთებ რუსულ ვაქცინას.
გაგა
13 აგვისტო 2020 21:06
ვანგას სიტყვებია სამწუხაროდ! ვალოდია გადაარჩენს მსოფლიოს აწი ვიფიქროთ
ვინა ეგ ოხერი ვალოდია!
ალექს
13 აგვისტო 2020 20:59
არ გაეკაროთ, გარუსდებით !
123
13 აგვისტო 2020 12:47
რაც აარ უნდა ამტკიცონ ამათ დამზადებულს მაინც არაფერს ვენდობი. დაველოდები რომელიმე წესიერი ქვეყნის მიერ ვაქცინის შექმნას და მერე ავიცრი.

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები