რატომ ითხოვს სომხეთის პრეზიდენტი ვადამდელ არჩევნებსა და ეროვნული ერთობის დროებითი მთავრობის შექმნას
რატომ ითხოვს სომხეთის პრეზიდენტი ვადამდელ არჩევნებსა და ეროვნული ერთობის დროებითი მთავრობის შექმნას
სომხეთის პრეზიდენტის არმენ სარქისიანის განცხადებით, რიგგარეშე არჩევნები და ეროვნული ერთობის მთავრობის ფორმირება ქვეყანაში მთიანი ყარაბაღის კონფლიქტით გამოწვეული კრიზისის გადალახვის ცივილური გზაა. ამის შესახებ მან მოსკოვში სომხურ დიასპორასთან შეხვედრისას განაცხადა.

"ნებისმიერ ქვეყანაში, სადაც ასეთი დიდი ტრაგედია ხდება, მიიღება გადაწყვეტილება: მთავრობა, რომელმაც ქვეყანა აქამდე მოიყვანა, უნდა წავიდეს. თუკი პოლიტიკოსი ძლიერია, მას შემდეგ შეუძლია დაბრუნება. არის ცივილური გზა - ვადამდელი არჩევნები, ეროვნული ერთობის დროებითი მთავრობის შექმნა", - განაცხადა სარქისიანმა.

მისი თქმით, ეს არ
ნიშნავს, რომ თითოეულ პარტიას თავისი მინისტრი ჰყავდეს მთავრობაში. სარქისიანი მიიჩნევს, რომ მთავრობის ფორმირება ყველასთვის პატივსაცემმა ადამიანმა უნდა განახორციელოს.

პრეზიდენტის თქმით, ამ მთავრობამ ნახევარი წელი, ან ერთი წელი უნდა იმუშავოს, ახალ არჩევნებამდე, ვიდრე მოსახლეობა მანდატს ახალ ძალას არ მისცემს.

მანვე დასძინა, რომ ამავე პერიოდში უნდა ჩატარდეს
რეფერენდუმი, კონსტიტუციის შესაცვლელად. ის ასევე ემხრობა, რომ ქვეყნის პრეზიდენტს ხალხი ირჩევდეს და არა პარლამენტი.

"ინტერპრესნიუსი"


მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები