რომელ ქვეყანაშია ყველაზე მეტი ინფიცირებული - მსოფლიოში კორონავირუსით დაინფიცირებულების საერთო რაოდენობამ 80 მილიონს გადააჭარბა - კვირის პალიტრა

რომელ ქვეყანაშია ყველაზე მეტი ინფიცირებული - მსოფლიოში კორონავირუსით დაინფიცირებულების საერთო რაოდენობამ 80 მილიონს გადააჭარბა

მსოფლიოში კორონავირუსით დაინფიცირებულების საერთო რაოდენობამ 80 მილიონს გადააჭარბა, - შესაბამის მონაცემებს პლატფორმა worldometers აქვეყნებს.

პლატფორმის ინფორმაციით, მსოფლიოში პანდემიის დაწყების დროიდან კოვიდ - 19-ით 1.75 მილიონი პაციენტი გარდაიცვალა, ხოლო გამოჯანმრთელდა 56 მილიონზე მეტი ადამიანი.

ამ დროისთვის მსოფლიოში 22 მილიონამდე აქტიური შემთხვევა ფიქსირდება.

კორონავირუსით დაინფიცირებულების რაოდენობით აშშ ლიდერობს, მეორე ადგილს ინდოეთი იკავებს, მესამეს - ბრაზილია, მეოთხეს-რუსეთი, მეხუთეზე კი - საფრანგეთია.

შეგახსენებთ, ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

"ინტერპრესნიუსი"