"ტრამპი წარუმატებელი ლიდერია, ის ისტორიაში შევა, როგორც ყველაზე ცუდი პრეზიდენტი"
"ტრამპი წარუმატებელი ლიდერია, ის ისტორიაში შევა, როგორც ყველაზე ცუდი პრეზიდენტი"
ჰოლივუდის მსახიობი და კალიფორნიის შტატის ყოფილი გუბერნატორი არნოლდ შვარცნეგერი დონალდ ტრამპის მხარდამჭერების მიერ კაპიტოლიუმის შენობაში შეჭრას "კრისტალნახტს", ანუ დამსხვრეული ვიტრინების ღამეს ადარებს, როდესაც ნაცისტებმა ებრაელები დაარბიეს.

"ოთხშაბათი იყო დამსხვრეული ვიტრინების დღე სწორედ აქ, შეერთებულ შტატებში. მათ არა მხოლოდ იმ შენობის კარებები ჩაამსხვრიეს, რომელიც ამერიკული დემოკრატიის სახლია, მათ გათელეს ის პრინციპები, რაზედაც ჩვენი ქვეყანაა დაფუძნებული," - განაცხადა შვარცნეგერმა "ტვიტერში" გავრცელებულ ვიდეო მიმართვაში.

მისი თქმით, დონალდ ტრამპი წარუმატებელი ლიდერია, რომელიც ისტორიაში ყველაზე
ცუდი პრეზიდენტის სახელით შევა.

"პრეზიდენტ ტრამპს სურდა, არჩევნების, სამართლიანი არჩევნების შედეგების გაუქმება. მან საზოგადოება ტყუილებით შეცდომაში შეიყვანა და მე ვიცი, სად მივყავართ ასეთ ტყუილებს. პრეზიდენტი ტრამპი წარუმატებელი ლიდერია, ის ისტორიაში შევა, როგორც ყველაზე ცუდი პრეზიდენტი," - აღნიშნა კალიფორნიის ყოფილმა გუბერნატორმა.

შეგახსენებთ, 6 იანვარს, ვაშინგტონში დონალდ
ტრამპის მხარდამჭერები კაპიტოლიუმის შენობაში შეიჭრნენ, სადაც კონგრესის ორივე პალატის გაერთიანებული სხდომა მიმდინარეობდა, რომელზეც საპრეზიდენტო არჩევნების შედეგების დადასტურების საკითხი განიხილებოდა. სამართალდამცავებმა წესრიგი რამდენიმე საათში აღადგინეს, თუმცა არეულობას 5 ადამიანის, მათ შორის ერთი პოლიციელის, სიცოცხლე ემსხვერპლა.

"ინტერპრესნიუსი"

ეეეეჰჰჰ
11 იანვარი 2021 16:54
ეეეჰ, ამერიკელებოოო..ბევრჯერ მოინატრებთ ტრამპს, რომელმაც 1 წელიწაფში 600 მილიარდი ინვესტიცია მოგიტანათ, ქარხნები და სამუშაო და შესაბამისად ხელფასებიც დაგიბრუნათ..უმუშევრობა მინიმუმზე დაიყვანა, ზედმეტად 1 კაპიკიც არ დახარჯა ბიუჯეტიდან..აწი ელოდეთ მილიონებს გაქსუებული, მილიონერი შვარცენეგერისგან და მისნაირებისგან, ჩინეთმა ჩაყლაპა ამერიკის ეკონომიკა და ამია გადარჩენა უნდოდა ტრამპს, ჰოდა ჩინეთმა კორონათი დედა უტირა მსოფლიოს..გყავდეს ახლა პელოზა და ელოდეთ მილიონებს..ფაფუუუ ამერიკის დიდება ფაფუუუ

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები